Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Муовини Директори Бюрои ҳамоҳангсозии мубориза бар зидди ҷиноятҳои муташаккил ва дигар намуди ҷиноятҳои хавфнок дар ҳудуди ИДМ аз Вазорати корҳои дохилии Ҷумҳурии Тоҷикистон

abdufato001Фаттозода Абдусаттор Абдуқаҳор - генерал-майори милитсия, 18-уми июни соли 1969 таваллуд шудааст, миллаташ тоҷик, маълумоташ олии ҳуқуқӣ, соли 1992 Мактаби миёнаи махсуси милитсия ва соли 1999 Мактаби олии милитсияи Вазорати корҳои дохилии Ҷумҳурии Тоҷикистонро хатм намудааст.

Хизмат дар мақомоти корҳои дохилӣ: аз соли 1990.
Дар давоми фаъолияти хизматиаш дар вазифаҳои гуногун кор кардааст: ваколатдори оперативии Шуъбаи кофтукови ҷиноятии Раёсати корҳои дохилии собиқ вилояти Кӯлоб, ваколатдори оперативии Шуъбаи мубориза бар зидди ҷиноятҳои маводи мухаддири Раёсати мубориза бар зидди ҷиноятҳои муташаккили ВКД, ваколатдори оперативии Шуъбаи мубориза бар зидди ҷиноятҳои иқтисодии РКДН ВКД, ваколатдори оперативии ШМЗҶМ ШКДН Раёсати мубориза бар зидди ҷиноятҳои муташаккили ВКД, ваколатдори калони оперативии ШМЗҶМ РКДН ВКД, сардори шуъбачаи мубориза бар зидди ҷиноятҳои иқтисодии РМЗҶМ ВКД, сардори шуъбачаи мубориза бар зидди ҷиноятҳои коррупсионии ШМЗҶМ Раёсати корҳои дохилии вилояти Суғд, муовини сардор оиди кор бо ҳайати шахсии ШКД дар ноҳияи Шаҳринав, муовини сардори Раёсати мубориза бар зидди гардиши ғайриқонунии маводи мухаддири ВКД, сардори ШКД дар шаҳри Кӯлоби вилояти Хатлон, сармутахассис оид ба мониторинги Намояндагии Вазорати корҳои дохилии Ҷумҳурии Тоҷикистон оид ба муҳоҷират дар Федератсияи Россия, сардори ШВКД-2 дар ноҳияи Сино, сардори шуъбаи Раёсати таъминоти моддӣ, техникӣ ва низомии ВКД, сардори ШВКД-2 дар ноҳияи Рӯдакӣ, сардори Қисми минтақавӣ оид ба гурӯҳи ноҳияҳои Кӯлоб – ӯ низ муовини сардори РВКД дар вилояти Хатлон ва сардори Хадамоти пешгирии ҳуқуқвайронкунӣ байни ноболиғону ҷавонони Вазорати корҳои дохилӣ.
Фаттозода Абдусаттор Абдуқаҳор аз 17 октябри соли 2019 ба вазифаи муовини Директори Бюрои ҳамоҳангсозии мубориза бар зидди ҷиноятҳои муташаккил ва дигар намуди ҷиноятҳои хавфнок дар ҳудуди ИДМ аз Вазорати корҳои дохилии Ҷумҳурии Тоҷикистон таъин гардида, адои вазифа намуда истодааст.
Фаттозода А.А. бо Фармони Президенти Ҷумҳурии Тоҷикистон бо мукофоти давлатӣ орденҳои “Спитамен” ва “Шараф” қадрдонӣ гардидааст.
Рӯзи 25-уми августи соли 2021 Фаттозода А.А. барои дастовардҳои назарраси хизматӣ, зоҳир намудани маҳорату малакаи баланди касбӣ, саҳми арзанда гузоштан дар мубориза бо ҷинояткорӣ, ҳифзи тартиботи ҷамъиятӣ, волоияти қонун ва ҳимояи ҳуқуқу озодиҳои шаҳрвандон, бахшида ба ҷашни 30-солагии Истиқлолияти давлатии Ҷумҳурии Тоҷикистон аз ҷониби Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо рутбаи олии «генерал-майори милитсия» сарфароз гардонида шуд.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика