Сипосмандӣ

Ба Вазири корҳои дохилии       

Ҷумҳурии Тоҷикистон                

генерал-лейтенанти милитсия

Раҳимзода Р.Ҳ.                            

аз номи сокини шаҳри Ваҳдат,

кӯчаи Улуғбек, хонаи 48,          

ҳуҷраи 3, Борониева Зиёда      

Номаи сипос 

Мӯҳтарам Вазир, қаблан ба Шумо миннатдории худро изҳор намуда қайд карданиам, ки ман як зани солхӯрда набераам Юсуфи Ҷамшедзодро, ки падараш соли 2007 вафот кард, дар зери тарбияи худам гирифтам. Имсол, набераи ман мактаби таҳсилоти ҳамагониро хатм намуда, хоҳиши ба Академияи ВКД Ҷумҳурии Тоҷикистон таҳсил намуданро кард.

Ман ҳеҷ боварӣ надоштам, ки набераи ман ба ин донишкада дохил шуда метавонад. Гарчанде, ки саводи хуб дошта бошад ҳам, дар кӯча гапҳои гуногун зиёд буданд.

Лекин, хушбахтона, таҳти роҳбарии Шумо - муҳтарам Вазир, имсол тартиби қабул ва имтиҳонсупорӣ дар Академия боадолатона ва шаффоф гузашт. Ман дар он вақт миннатдории худро ба сардори Академия подполковники милитсия Шарифзода Ф.Р. расониданиам, ки пеш аз имтиҳонсупорӣ ва баъди он бевосита бо довталабон вохӯрда, онҳоро  бовар кунонид, ки касе дониш дошта бошад, албатта дохил мешавад.

Бори дигар ба Шумо мӯҳтарам Вазир миннатдории худро  баён намуда гуфтаниам, мо модарон ҳамеша дуогӯи Шумо ҳастем ва боварӣ дорем, ки баҳри иҷрои қонуният, ҳифзи тартиботи ҷамъиятӣ ва ҳуқуқу манфиатҳои қонунии шаҳрвандон содиқона хизмат мекунед ва дар тарбияи кадрҳои баландихтисос ҳиссагузор мебошед. 

Бо эҳтиром,  

Борониева З.