Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Арзи сипоси омӯзгорони Мактаб-интернати ҷумҳуриявии кӯдакони ятим дар шаҳри Кӯлоб

Ба Вазири корҳои дохилии           

Ҷумҳурии Тоҷикистон                

генерал-лейтенанти милитсия

Раҳимзода Р.Ҳ.                           

Мӯҳтарам Раҳимзода Рамазон Ҳамро!

Маъмурияти мактаб-интернати ҷумҳуриявии кӯдакони ятим дар шаҳри Кӯлоб ба Шумо арзи сипоси худро расонида маълум менамояд, ки дар мактаб-интернати зикргардида 250-нафар хонанда ба таълиму тарбия фаро гирифта шуда, тамоми шароитҳои маданӣ ва маишию фароғатӣ фароҳам оварда шудааст.

Бо мақсади дуруст ба роҳ мондани маданияту маърифати баланд дар байни тарбиятгирандагон доимо чорабиниҳои тарбиявии умумимактабӣ, вохӯриҳо бо собиқадорони ҷангу меҳнат ва кормандони ҳифзи ҳуқуқ ташкил ва гузаронида мешавад.

Қайд кардан зарур мешуморем, ки маҳз кӯмаку дастгириҳои шабонарӯзии кормандони Шумо, аз он ҷумла сардори Шӯъбаи корҳои дохилии шаҳри Кӯлоб подполковники милиса Назаров Ҷумахон мебошад, ки то имрӯз аз тарафи тарбиятгирандагон ягон ҷиноят содир карда нашудааст.

Бо мақсади пешгирӣ намудани ҳодисаҳои нохӯш, яъне даст задан ба ҷиноят мунтазам аз тарафи сардори шӯъбачаи кор бо ноболиғони назди Шӯъбаи корҳои дохилии шаҳри Кӯлоб капитани милиса Ҳамидов Дилшод сӯҳбатҳо гузаронида мешавад, ки хонандагонро дар рӯҳияи бузургдошти арзишҳои миллӣ, эҳтироми волидайн ва калонсолону атрофиён, риояи қоидаҳои рафтор дар кӯча, мактаб ва дигар ҷойҳои ҷамъиятӣ тарбия намуда, ба роҳи дуруст ҳидоят менамояд.

Маъмурият ва коллективи омӯзгорони Мактаб-интернати ҷумҳуриявии кӯдакони ятим дар шаҳри Кӯлоб барои дастгириҳо дар раванди таълиму тарбияи хонандагон ба сардори Шӯъбаи корҳои дохилии шаҳри Кӯлоб подполковники милиса Назаров Ҷумахон миннатдории хешро расонида, дар навбати худ ба Шумо низ барои тарбия кардани чунин кадрҳои болаёқат изҳори сипос менамояд.

Бо эҳтиром,

Директори мактаб-интернати

ҷумҳуриявии кӯдакони ятим

дар шаҳри Кӯлоб                                                            Хоҷаева Ф.С.   




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика