Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Рух додани якчанд ҳодисаи нақлиётии марговар

6317-уми ноябри соли 2023, тахминан соати 19:30-дақиқа, ронандаи автомашинаи тамғаи «Мерседес Бенс-Атего», Раҳмонов Абдураҳим Ҳамидович, соли таваллудаш 1963, сокини ноҳияи Б.Ғафуров, ҳангоми ҳаракат дар роҳи мошингарди “Душанбе-Хуҷанд-Чаннок” аз самти шаҳри Хуҷанд, ба самти шаҳри Душанбе аз уҳдаи идораи воситаи нақлиёт набаромада, дар минтақаи ҷамоати деҳоти Деҳмойи ноҳияи Ҷ.Расулов, пиёдагард Азизов Ризо Тухтаевич, соли таваллудаш 1949, сокини ноҳияи мазкурро пахш намудааст.

Дар натиҷа, пиёдагард Азизов Р.Т. ҷароҳатҳои гуногуни ҷисмонӣ бардошта, дар ҷойи ҳодиса ба ҳалокат расидааст.
18-уми ноябри соли 2023, тахминан соати 21:00, ронандаи автомашинаи тамғаи “Лексус”, Холов Сиёвуш Гулназарович, соли таваллудаш 2002, сокини шаҳри Душанбе, ҳангоми ҳаркат бо роҳи кӯчаи Р.Набиеви шаҳри Душанбе аз самти кӯчаи Шестапавлов ба самти кӯчаи Ҷ.Расулов ҳангоми расидан дар кӯчаи Р.Набиев, пиёдагарди ноболиғ Давлатов Умедҷон Ҳикматуллоевич, соли таваллудаш 2015, сокини пойтахтро зада аз пой мефтонад.
Дар натиҷа, ноболиғ Давлатов У.Ҳ. ҷароҳатҳои гуногуни ҷисмонӣ бардошта, дар ҷойи ҳодиса ба ҳалокат расидааст.
18-уми ноябри соли 2023, тахминан соати 13:00, ронандаи автомашинаи тамғаи «КАЗ-469», Зарифов Муродалӣ Нурович, соли таваллудаш 1970, сокини ноҳияи К.Мастчоҳ, ҳангоми ҳаракат дар роҳи мошингарди деҳаи Ланглифи ноҳияи К.Мастчоҳ, аз уҳдаи идораи воситаи нақлиёт набаромада, аз баландии 300 метр ба поён чаппа шудааст.
Дар натиҷа, ронанда Зарифов М. ва мусофири автомашинаи мазкур Нусратов Боймурод Гулмирзоевич, соли таваллудаш 1970, сокини ҳамин ноҳия, аз ҷароҳатҳои гуногуни ҷисмонии бардоштаашон дар ҷойи ҳодиса ба ҳалокат расидаанд.
19-уми ноябри соли 2023, тахминан соати 08:00, ронандаи автомашимнаи тамғаи «Хонда СР-В», Турсунов Наимҷон Додоҷонович, соли таваллудаш 1982, сокини шаҳри Хуҷанд, ҳангоми ҳаракат дар роҳи мошингарди “Б.Ғафуров-Ҷ.Расулов», воқеъ дар кӯчаи Ёваи ноҳияи Б.Ғафуров аз уҳдаи идораи воситаи нақлиёт набаромада, пиёдагарди ноболиғ, Мамадҷонов Аҳлиддин Содирҷонович, соли таваллудаш 2013, сокини ноҳияи мазкурро пахш намудааст.
Дар натиҷа, аз бардоштани ҷароҳатҳои гуногуни ҷисмонӣ пиёдагарди ноболиғ, Мамадҷонов А. дар беморхона ба ҳалокат расидааст.
20-уми ноябри соли 2023, тахминан соати 20:40-дақиқа, ронандаи автомашинаи тамғаи “БМВ”, Якубов Бахтовар Валиҷонович, соли тавалллудаш 1995, сокини шаҳри Истаравшан, ҳангоми ҳаракат аз самти кӯчаи А.Ҷомӣ ба самти кӯчаи Деҳотии пойтахт, аз уҳдаи идораи воситаи нақлиёт набаромада, пиёдагард Набиев Баҳром Амиралиевич, соли тавалллудаш 1963, сокини ноҳияи Фархорро пахш намудааст.
Дар натиҷа, пиёдагард Набиев Б.А. ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.
Оид ба ин ҳодисаҳо таҳқиқот идома дорад.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика