Ифшо гардидани кирдорҳои қаллобии алоқаманд бо хариду фурӯши автомашина

Ба ШВКД-1 дар ноҳияи Сино бо ариза марди 46-солаи сокини ноҳияи мазкур муроҷиат намудааст, ки 22-юми майи соли 2023, дар маҳаллаи Пахтакори шаҳри Душанбе, марди 32-солаи сокини ҳамин ноҳия бо роҳи фиреб ба бовариаш даромада, аз ӯ 1-адад автомашинаи тамғаи «Тайота-Каролла»-ро гирифта ваъда додааст, ки дар муддати кутоҳ бар ивазаш 1-адад автомашинаи тамғаи «Тайота Камри-4» гирифта медиҳад, аммо ӯ ваъдаашро иҷро накарда автомашинаи тамғаи «Тайота Каролла»-ро ба маблағи 100 ҳазор сомонӣ фурӯхта, маблағҳои ба даст овардаашро ба манфиати шахсиаш сарф намудааст.

Инчунин, зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия марди 32-солаи сокини шаҳри Турсунзода бо гумони содир намудани кирдори қаллобӣ дастгир карда шуд.
Гумонбаршаванда соли 2023, бо роҳи фиреб ба боварии ҷавони 24-солаи сокини шаҳри мазкур даромада, аз ӯ 1-адад автомашинаи тамғаи “Опел-Астраҷи”-ро бо арзиши 70 ҳазор сомонӣ харидорӣ намуда, ваъда додааст, ки дар муддати 10 шабонарӯз маблағашро ба пуррагӣ пардохт мекунад, аммо гумонбаршаванда, 8 ҳазор сомонӣ ва як миқдор масолеҳи сохтмонӣ дода, боқимонда 38 ҳазор сомониашро гирифта ба манфиати шахсии худ сарф намудааст.
Нисбати гумонбаршаванда парвандаи ҷиноятӣ бо моддаи 247 қисми 3 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.