Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Раддия ба хабари "Радиои озодӣ"

Дар сомонаи «Радиои Озодӣ» рӯзи 16 майи соли 2023 хабар таҳти унвони "Шаҳло Давлатова: 30$ ҳазор хосту дастарозӣ кард. Муфаттиш: Асос надорад" чоп шудааст, ки гӯё сардори шуъбачаи тафтишотии ШВКД дар шаҳри Хуҷанд подполковники милитсия Шодизода Дилмурод аз шаҳрванд Шаҳло Давлатова 30 ҳазор доллари амрикоӣ хоста, ба номусаш дастарозӣ карда бошад.

Бояд тазаккур дод, ки ин иддао комилан дурӯғ буда, Давлатова Шаҳло Шералиевна ба хотири худро ҷабрдида ва бегуноҳ вонамуд кардан бе ягон далел ба подполковники милитсия Шодизода Д. тӯҳмат намудааст.
Давлатова Шаҳло Шералиевна, соли таваллудаш 1988, сокини шаҳри Хуҷанд, маҳаллаи 19, бинои 30 в, ҳуҷраи 5, қаблан 5-уми декабри соли 2016 бо моддаи 237 қисми 2 банди 'в" Кодекси ҷиноятии Ҷумҳурии Тоҷикистон ба ҷавобгарии ҷиноятӣ ҷалб гардида, дар асоси татбиқи Қонуни Ҷумҳурии Тоҷикистон "Дар бораи авф" аз ҷавобгарии ҷиноятӣ озод карда шудааст. Номбурда аз ин хулосаи зарурӣ набароварда, ҷиноятҳо ба муқобили фаъолияти иқтисодӣ, яъне ба муомилоти ғайриқонунӣ бо асъори хориҷӣ, поймол намудани ҳуқуқ ва озодиҳои конститутсионии инсон ва шаҳрванд, инчунин адолати судӣ даст зада, ҷиноятҳои ба ҷамъият хавфнокро содир намудааст.
Давлатова Ш. дар давоми солҳои 2017-2022 ба соҳибкории ғайриқонунӣ, яъне татбиқи фаъолияти соҳибкорӣ бидуни бақайдгирӣ ё бидуни иҷозатномаи махсус (литсензия) машғул гардидааст. Ӯ дар ин давра бархилофи талаботи банди 1 моддаи 8 Қонуни Ҷумҳурии Тоҷикистон 'Дар бораи фаъолияти бонкӣ", ки ягон шахс дар Ҷумҳурии Тоҷикистон ба фаъолияти бонкӣ беиҷозатномае, ки аз тарафи Бонки миллии Тоҷикистон дода шудааст, машғул шуда наметавонад, амал намуда, фаъолияти додани маблағ (қарзҳо) ва гирифтани фоиз ҳамчун фоидаро ба роҳ монда, бархилофи талаботи моддаҳои 19 ва 25 Кодекси андози Ҷумҳурии Тоҷикистон (таҳрири соли 2018) ва моддаҳои 34 ва 78 Кодекси андози амалкунанда бидуни қайд дар мақомоти андоз ба фаъолияти соҳибкорӣ машғул гардида, аз ҳисоби шаҳрвандон ба миқдори махсусан калон ғайриқонунӣ даромад ба даст оварда ба манфиати давлат ва шаҳрвандвандон зарари махсусан калон расонидааст.
Номбурда аз соли 2017 то соли 2022 ба зиёда аз 8 нафар шаҳрвандон бо фоизҳои муайян қарз дода, бо татбиқи фаъолияти соҳибкории ғайриқонунӣ ба миқдори махсусан калон ба маблағи умумии 349015,8 сомонӣ даромад ба даст овардааст.
Бо назардошти он, ки дар кирдорҳои Давлатова Ш. аломатҳои таркиби ҷинояти дар қисми махсуси КҶ Ҷумҳурии Тоҷикистон пешбинигардида дида мешуд, нисбати номбурда бо моддаҳои 259 қисми 2 банди 'б", 147 қисми 1, 286 қисми 2 ва 345 қисми 2 КҶ Ҷумҳурии Тоҷикистон айб эълон карда шуда, ба ҷавобгарии ҷиноятӣ ҷалб карда шуд.
Бояд тазаккур дод, ки Давлатова Ш. ҳангоме, ки қарздоронаш зимни пардохти қарз ё фоизҳояш каме таъхир мекардаанд, номбурда ба манзили онҳо ғайриқонунӣ зада даромада, онҳоро таҳқиру тавҳин мекардааст. (Сабтҳояшро дар даст дорем, вале бо сабабҳои ахлоқӣ онҳоро пахш намекунем).
Ҳамчунин ӯ ба фаъолияти муфаттиш дахолат намуда, барои ҳамаҷониба, пурра, ва объективонаи тафтиши пешакӣ монеагӣ эҷод намудааст.
Давлатова Ш. барои кирдорҳои зиддиқонунияш бо ҳукми суд ба муҳлати 4 сол аз озодӣ маҳрум гардида, бо назардошти кудаки хурдсол доштанаш иҷрои ҳукми суд айни замон ба таъхир афтод.
Номбурда ба ҷойи он, ки худро ислоҳ намуда, ба корҳои фоиданоки ҷамъиятӣ машғул шавад, номи пуршарафи модарро доғдор намуда, бо суханони қабеҳ ва алфози пур аз дашному ҳақорат ба таҳқиру таҳдиди шаҳрвандон машғул аст.
Сомонаи "Радиои Озодӣ"-ро мебояд минбаъд зимни пахш намудани чунин хабарҳои иғвоангез аввал бо парвандаҳои ҷиноятӣ, ҷабрдидагон, шоҳидон ва Ҳукми суд шинос шуда, сипас воқеъбинона хабар пахш намояд.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика