Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Рух додани се садамаи нақлиётии марговар дар як рӯз

38

21-уми марти соли 2023, тахминан соати 03:50-дақиқа, ронандаи автомашинаи тамғаи “Мерседес-Бенс”, Қурбоналиев Далер Хушвахтович, соли таваллудаш 1990, сокини ноҳияи Темурмалик, ҳангоми ҳаракат аз самти маҳаллаи Ҳоҷӣ Шариф ба самти беморхонаи клиникии ба номи Б.Воҳидови шаҳри Бохтар аз уҳдаи идораи воситаи нақлиёт набаромада, пиёдагард Қурбонов Кароматулло Негматуллоевич, соли таваллудаш 1985, сокини ноҳияи Кӯшониёнро пахш намудааст.
Дар натиҷа, пиёдагард Қурбонов К.Н. ҷароҳатҳои гуногуни ҷисмонӣ бардошта, дар беморхона ба ҳалокат расидааст.
Инчунин, 21-уми марти соли 2023, тахминан соати 14:00, ронандаи автомашинаи тамғаи “Тойота Каролла”, Каримов Абдуғаффор Додхуҷаевич, соли таваллудаш 1977, сокини ноҳияи Ҳамадонӣ, ҳангоми ҳаракат аз самти шаҳраки Москва ба самти ҷамоати деҳоти Қаҳрамон, ҳангоми сабқат кардан ба автомашинаи тамғаи “Опел Астра”, таҳти идораи ронанда, Бозоров Бегназар Тошмуродович, соли таваллудаш 1969, сокини ноҳияи мазкур, бархӯрда, аз уҳдаи идораи воситаи нақлиёт набаромада, бо қисми пеши автомашина дучархарон Боронов Ҷумахон Рустамович, соли таваллудаш 1958 ва Каримов Абдулмумин Абдураҳмонович, соли таваллудаш 1978, сокинони ноҳияи Ҳамадониро пахш намудааст.
Дар натиҷа, дучархарон Боронов Ҷ.Р. ва Каримов А.А. ҷароҳатҳои гуногуни ҷисмонӣ бардошта, дар ҷойи ҳодиса ба ҳалокат расидаанд.
21-уми марти соли 2023, тахминан соати 05:00, ронандаи автомашинаи тамғаи «ДАФ», Шарифов Маҳмадрофи Латифович, соли таваллудаш 1998, сокини ноҳияи Ҳамадонӣ, ҳангоми ҳаракат аз самти шаҳри Душанбе ба самти шаҳри Кулоб дар километри 20-500 роҳи мошингарди Душанбе-Ваҳдат-Кулоб-Хоруғ ба автомашинаи тамғаи «Опел Астра», таҳти идораи ронанда, Муяков Файзалӣ Мараҳимович, соли таваллудаш 1979, сокини ноҳияи Восеъ, бархӯрдааст.
Дар натиҷа, ронандаи автомашинаи тамғаи «Опел Астра», Муяков Ф.М. ҷароҳатҳои гуногуни ҷисмонӣ бардошта, дар беморхона ба ҳалокат расидааст.
Аз рӯи ин ҳодисаҳо таҳқиқот идома дорад.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика