Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Наврӯз пайвандгари насли имрӯз бо расму ойини ниёгон

234

17-уми марти соли 2023 бо иқдоми роҳбарияти Раёсати ВКД дар вилояти Хатлон ба хотири арҷ гузоштан ба сунатҳои қадимаи мардуми тоҷик, гиромидошти ҷашни байналмилалии Наврӯз, чорабинии идона бо пешниҳоди намудҳои беҳтарин таомҳои миллӣ ва ҳунарҳои мардумӣ, мусобиқаҳои варзишӣ баргузор гардид.
Нахуст сардори Раёсати мазкур полковники милитсия Нозимзода Файзулло Ватан, меҳмонону иштирокчиёни чорабинии наврӯзиро бо ин ҷашни фархунда, табрику таҳният гуфта, оид ба таърихи пайдоиш, мавқеъу манзалат ва хусусиятҳои хоси иди ҷаҳонии ниёгон – Наврӯз суханронӣ кард.
Зикр гардид, ки Наврӯз ҷашни фарорасии баҳори нозанин, зиндашавии табиат, оғози корҳои кишоварзӣ ва боғдорӣ, айёми баробаршавии шабу рӯз дар баҳор мебошад ва таърихи зиёда аз панҷҳазорсола дорад.
Ниёгони мо ба сунати фарҳангие асос гузоштанд, ки баёнгари пирӯзии нур бар зулмот, некӣ бар бадӣ ва тантанаи покиву садоқат ва тозагиву озодагии инсонӣ мебошад.
Халқи шарафманду фарҳангдӯсти тоҷик имрӯзҳо иду ҷашнҳои зиёдро бо шукӯҳу шаҳомати хоса таҷлил менамоянд, вале дар байни ҳамаи ин идҳо Наврӯз мақоми махсус дорад.
Маҳз бо ташаббуси Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ин ҷашни ниёгони мо мавқеи байналмилалиро касб намуда, ҷаҳонӣ шуд.235
Ҷашни Наврӯз соли 2010 аз ҷониби Созмони Милали Муттаҳид ҳамчун ҷашни байналмилалӣ эътироф гардида, айни замон тамоми кишварҳои дунё ин иди зебои баҳорро бо шукӯҳу шаҳомати хоса таҷлил менамоянд.
Тавре аз баромадҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бармеояд: «Иди Наврӯз, ки бо фарорасии он гармии ҷонбахши баҳорӣ оғоз меёбад, ҷашни шӯкуҳи табиат ва овони эҳёи он гуфтаанд. Воқеан, Наврӯз давраест, ки замин ба меҳвари хуршед баромада, рӯзу шаб баробар мешавад ва кулли инсону мавҷудотро руҳу равони тозае бахшида, ба ояндаи нек, рӯзгори обод ва пешрафту созандагӣ ҳидоят мекунад».
Дар намоишгоҳ қадимтарин ёдгориҳои таърихӣ, асбобҳои мусиқӣ ва намунаҳои гуногуни гулдузӣ ва ҳунарҳои мардумӣ, хӯрокҳои миллӣ, ки аз ҷониби кормандон ва бонувони мақомоти корҳои дохилӣ ба намоиш гузошта шуда буд, сазовори баҳои арзанда гардиданд.
Барномаи консертии саршор аз шукронаи насими баҳору Наврӯз, тинҷиву ободии сарзамини тоҷикон бо иштироки санъаткорони бахши фарҳанги вилоят, анҷомбахши чорабинии идонаи Наврӯзӣ гардид.
Офоқ Қодириён, полковники милитсия




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика