Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ҳодисаи нақлиётӣ бо иштироки якчанд автомашина

19

12-уми марти соли 2023, тахминан соати 12:40-дақиқа, ронандаи автомашинаи тамғаи «Мерседес Атеко», Мансуров Абдухалил Абдуллаҳақович, соли таваллудаш 1999, сокини ноҳияи Б.Ғафуров, ҳангоми ҳаракат аз самти шаҳри Душанбе ба самти вилояти Суғд, дар ҳудуди ноҳияи Варзоб, аз уҳдаи идораи воситаи нақлиёт набаромада, ба самти муқобили ҳаракати роҳ баромада, ба автомашинаи тамғаи «Опел-Вектра», таҳти идораи ронанда, Икромов Бахтиёр Кучкарович, бархӯрдааст.
Боз ӯ ба автомашинаи тамғаи «Прадо», таҳти идораи ронанда, Яқубов Беҳруз Шарифҷонович, соли таваллудаш 1991, сокини шаҳри Душанбе ва автомашинаи тамғаи «Опел-Зефира», таҳти идораи ронанда, Нуралиев Фирдавс Сафарович, сокини ноҳияи Варзоб, ки ба самти вилояти Суғд ҳаракат карда истода буданд бармехӯрад, ки дар ин асно автомашинаи тамғаи “Опел-Вектра» аз уҳдаи идораи ҳаракати автомашина набаромада, ба самти муқобили ҳаракати роҳ баромада ба автомашинаи тамғаи «Опел-Астра», бармехӯрад.
Дар натиҷа, мусофирони дохили автомашинаи тамғаи «Опел-Вектра», Ятимова Гулрафтор, соли таваллудаш 1967, сокини ноҳияи А.Ҷомӣ, Мадинабонуи Фарҳодҷонзода, соли таваллудаш 1998, Боқиева Осия, соли таваллудаш 2018, Қодирова Омина, соли таваллудаш 2022, ҷароҳатҳои гуногуни ҷисмонӣ бардошта, дар беморхона бистарӣ гаштаанд.
Мусофири дигари автомашинаи тамғаи «Опел-Вектра» Холматов Фарҳодҷон Мухторович, соли таваллудаш 1967, сокини ноҳияи А.Ҷомӣ, дар ҷойи ҳодиса ба ҳалокат расидааст.
13-уми марти соли 2023, тахминан соати 03:50-дақиқа ронандаи автомашинаи тамғаи «Муссо», Руҳуллаҳ Маҳаммадӣ, соли таваллудаш 1986, шаҳрванди Ҷумҳурии Исломии Афғонистон, муваққатан истиқоматкунандаи шаҳри Панҷакент, ҳангоми ҳаракат дар деҳаи Суфиёни шаҳри Панҷакент, муқобили ҳаракати роҳ баромада, ба автомашинаи боркаши тамғаи «Мерседес-Бенс», ки таҳти идораи ронанда, Қурбонов Абдулҳамид Абдуқаюмович, соли таваллудаш 1991, сокини шаҳри мазкур қарор дошт, бархӯрдааст.
Дар натиҷа, ронандаи автомашинаи тамғаи «Муссо» Руҳуллаҳ М. ҷароҳатҳои гуногуни ҷисмонӣ бардошта, дар ҷойи ҳодиса ба ҳалокат расидааст.
Аз рӯи ин ҳодисаҳо таҳқиқот идома дорад.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика