Рух додани ду садамаи нақлиётии марговар дар як рӯз

8-уми марти соли 2023, тахминан соати 21:30-дақиқа, ронандаи автомашинаи тамғаи «ВАЗ 21015», Аминов Зокирҷон Аминович, соли таваллудаш 1992, сокини ноҳияи Деваштич, ҳангоми ҳаракат дар шоҳроҳи «Душанбе-Хуҷанд-Чанок», дар ҳудуди ноҳияи Спитамен қоидаҳои ҳаракати роҳро риоя накарда, Ҷуманазаров Ҳасан Шодмонович, соли таваллудаш 1970, сокини шаҳри Истаравшанро, ки дар шафати рости роҳ дар ҳолати хоб қарор дошт, пахш намудааст.
Дар натиҷа, Ҷуманазаров Ҳ.Ш. ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.
9-уми марти соли 2023, тахминан соати 14:30-дақиқа, ронандаи автомашинаи тамғаи «Дулан», Якубов Хуршед Ҷурақулович, соли таваллудаш 1995, сокини шаҳри Турсунзода, ҳангоми ҳаракат аз самти маҳаллаи Зафар ба самти кӯчаи И.Сомонии пойтахт, қоидаҳои ҳаракати роҳро риоя накарда, ба болои хати пиёдагардони танзимшаванда ҳаракат карда, пиёдагардони ноболиғ Назарова Ҳусноро Сафаралиевна, соли таваллудаш 2008 ва Назарова Фариза Сафаралиевна, соли таваллудаш 2005, сокинони пойтахтро пахш намудааст.
Дар натиҷа, пиёдагардони ноболиғ Назарова Ҳ.С. ва Назарова Ф.С. ҷароҳатҳои гуногуни ҷисмонӣ бардошта, аз ҷониби худи ронанда Якубов Х.Ҷ. дар беморхона бистарӣ гардидаанд, ки пас аз 5-соат ноболиғ Назарова Ҳ.С. ба ҳалокат расидааст.
Оид ба ин ҳодисаҳо санҷиш идома дорад.