Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ҳодисаи сӯхтор дар яке аз марказҳои савдои ноҳияи Панҷ

18 феврали соли 2023, соати 03:00, дар маркази савдои ҶДММ «Фархундаи-Шуҳрат» воқеъ дар кӯчаи Рӯдакӣ, ноҳияи Панҷи вилояти Хатлон, ки ба Сиярова Ойҷон, соли таваллудаш 1954, сокини деҳаи Имоммашраби ноҳияи мазкур мансуб мебошад, сӯхтор ба амал омад. Фавран ба ҷойи ҳодиса 7-адад нақлиётҳои оташнишонӣ ва 83 нафар ҳайати шахсӣ сафарбар карда шуданд.

Ҳангоми расидани қувва ва воситаҳои оташнишонӣ ба ҷойи ҳодисаи сӯхтор мушоҳида гардид, ки алангаи оташ дар масоҳати 240 метри мураббаъ, 13 адад нуқтаҳои хизматрасониро фаро гирифта, хавфи бевоситаи паҳн гардидани он ба дигар биною иншоотҳо ба миён омадааст. Сӯхтор дар соати 04:28-дақиқа иҳота карда шуда, дар соати 04:45-дақиқа бо пуррагӣ дар масоҳати аввалааш хомӯш карда шуд.

Сабаби сар задани сӯхтор расиши кутоҳи ноқилҳои барқӣ дар симчӯб мебошад.
Молу масҳулот тақрибан ба маблағи 30 миллион сомонӣ аз сӯхтор эмин нигоҳ дошта шуд.
Таҳқиқи ҳодисаи сӯхтор аз тарафи гурӯҳи тафтишотии ШВКД дар ноҳияи Панҷ ва дигар мақомоти дахлдор идома дорад.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика