Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Мусодираи 8 килограмм маводи нашъаовар

56

Мубориза бо муомилоти ғайриқонунии маводи нашъаовар яке аз самтҳои муҳими фаъолияти хизматии кормандони милитсия ба ҳисоб меравад.

Кормандони шуъбаи мубориза зидди гардиши ғайриқонунии маводи мухаддири РВКД дар вилояти Хатлон дар ин самт, зимни бурдани як қатор коркарди ахбори оперативӣ ва чорабиниҳои оперативӣ 2 нафар сокинони ноҳияи Панҷро бо гумони даст доштан дар муомилоти гайриқонунии маводи нашъаовар ва ба мақсади дар оянда ба соҳибияти шахси дигар додан дастгир намуданд.
Инҳо Зоидов Ғайрат, соли таваллудаш 1986 ва Мавлонов Раҳмоналӣ, соли таваллудаш 1987, мебошанд.
Ҳангоми азназаргузаронии манзили истиқоматии Зоидов Ғайрат, воқеъ дар ҷамоати деҳоти Панҷ, аз ҷониби кормандони милитсия маводи нашъадор дарёфт ва мусодира карда шуд, ки ба навъи «ҳашиш» мансуб буда, вазни умумии он 7 кг 231 граммро ташкил медиҳад.
Инчунин, дар рафти бурдани чорабиниҳои оперативӣ аз дохили бағоҷи автомашинаи тамғаи «Мерседес Бенс», ки ба шаҳрванд Мавлонов Раҳмоналӣ тааллуқ дорад, 747 гр маводи психотропии навъи «метамфетамин» дарёфт ва мусодира карда шуд.
Муайян карда шуд, ки гумонбарон пайваста ба хариду фурӯши маводи нашъаовар машғул буда, бо ин роҳ манфиат ба даст меоваранд.
Дар шуъбаи тафтишотии Раёсати ВКД дар вилояти Хатлон нисбати гумонбарон парвандаи ҷиноятӣ бо моддаи 200 қисми 4 Кодекси ҷиноятии Ҷумҳурии Тоҷикистон оғоз гардида, тафтишот идома дорад.
Офоқ Қодириён, полковники милитсия




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика