Истеъмол намудани теъдоди зиёди маводи амфетамин боиси марги шаҳрванд Розиқов А. гардид

2-юми январи соли 2023 дар натиҷаи гузаронидани чорабиниҳои оперативӣ-ҷустуҷӯӣ аз тарафи кормандони ҚМ РВКД дар вилояти Хатлон оид ба гурӯҳи ноҳияҳои Кӯлоб шаҳрванд Пиронов Акбар Самадқулович, соли таваллудаш 01.10.1986, миллаташ тоҷик, истиқоматкунандаи шаҳри Ҳисор, маҳаллаи Хоҷамуссо, хонаи 52, оиладор, пеш бо моддаи 200 КҶ ҶТ суд шудааст, ҳангоми ба муомилот баровардани маводи нашъадор дастгир карда шуд. Дар вақти азназаргузаронии манзили истиқоматии номбурда маводи нашъадори навъи ҳашиш ба миқдори 356 гр дарёфт карда шуда, дар ҳузури шахсони холис мусодира карда шуд.

Аз нишондодҳои дастгиршуда Пиронов А.С. маълум карда шуд, ки номбурда маводи нашъадори мазкурро аз шаҳрванд Розиқов Абдуқаҳҳор Исроилович, соли таваллудаш 28.02.1986, миллаташ тоҷик, сокини шаҳри Кӯлоб, маҳаллаи Даминзода, хонаи 289, муҷаррад, соҳиби 2 фарзанд, пеш бо моддаи 200 қисми 3 КҶ ҶТ суд шудааст, ба маблағи 5000 сомонӣ харидорӣ намудааст.
3-юми январи соли 2023, Розиқов А.И. дар манзили истиқоматиаш дастгир шуда, ҳангоми азназаргузаронии хона як миқдори маводи нашъадори навъи ҳашиш дарёфт ва мусодира карда шуд. Пеш аз дастгир шудан шаҳрванд Розиқов А.И. маводи сахттаъсири навъи амфетамин (кристалл) истеъмол намуда буд ва дар вақти ба Қисми минтақавии РВКД дар вилояти Хатлон дастрас намудан дар роҳ номбурда бинобар сабаби истеъмол намудани теъдоди зиёди маводи сахттаъсири навъи амфетамин (кристалл) ба ҳалокат расид.
Ҷасади номбурда барои ташхиси судӣ ба Судэкспертизаи судӣ-тиббии шаҳри Кӯлоб супорида шуд.
Оид ба ин ҳодиса санҷиш аз тарафи Прокуратураи минтақаи Кӯлоб идома дорад.