Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Рух додани якчанд садамаи нақлиётии марговар

03

18-уми июни соли 2022, тахминан соати 18:00, ронандаи автомашинаи боркаши тамғаи «ЗИЛ ММ-4502», Бобоҷонзода Муҳамаддовуди Маҳмадалӣ, соли таваллудаш 1992, сокини ноҳияи А.Ҷомӣ, ҳангоми ҳаракат дар ҳудуди ноҳияи мазкур, аз ӯҳдаи идораи воситаи нақлиёташ набаромада, пиёдагарди хӯрдсол, Бурҳонзода Нозия Раҷабалӣ, соли таваллудаш 2019, сокини ҳамин ноҳияро пахш намудааст.
Дар натиҷа пиёдагарди хӯрдсол, Бурҳонзода Н.Р. ҷароҳатҳои гуногуни ҷисмонӣ бардошта, дар ҷойи ҳодиса ба ҳалокат расидааст.
Ҳамзамон 18-уми июни соли 2022, тахминан соати 18:30-дақиқа ронандаи автомашинаи тамғаи «БМВ», Зуҳуров Фарух Шарипович, соли таваллудаш 1991, сокини ноҳияи Б.Ғафуров, ҳангоми ҳаракат дар роҳи мошингарди «Конибодом-Деҳмой» дар 83-ум км, бехатарии ҳаракати роҳро таъмин карда натавониста, автомашинаро ба тарафи рости роҳ чаппа намудааст. Дар натиҷа худи ронанда дар ҷойи ҳодиса ба ҳалокат расидааст.
Инчунин 17-уми июни соли 2022 тахминан соати 16:00 ронандаи автомашинаи тамғаи “Опел-Вектра”, Хуранов Раҷаб Нуралиевич, соли таваллудаш 1994, сокини ноҳияи Ҷайҳун, ҳангоми ҳаракат аз самти шаҳри Бохтар ба самти ноҳияи зикргардида дар ҳудуди ноӽияи Ҷ.Балхӣ аз уҳдаи идораи воситаи нақлиёташ набаромада, пиёдагард, Мирзоев Тоҷиддин Раҳматуллоевич, соли таваллудаш 1958, сокини ҳамин ноҳияро пахш намудааст. Дар натиҷа, Мирзоев Т.Р ҷароҳатҳои вазнини ҷисмонӣ бардошта, дар беморхона ба ҳалокат расидааст.
Аз рӯи ин ҳодисаҳо таҳқиқот идома дорад.




  Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>

30.06

© 2022 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика