Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Боздид аз Боғи миллии Шинҷуку (Shinjuku Gyoen National Garden)

351Рӯзи 5 октябр Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари расмӣ дар Япония дар шаҳри Токио аз Боғи миллии Шинҷуку боздид ба амал оварданд.

Боғи Шинҷуку бо якчанд боғи дигар дар ҳудуди шаҳрҳои Шинҷуку, Сибуя ва Токио ҷойгир аст. Он соли 1906 дар ҷойи бӯстонсаройи Даимё-Наито, ки асрҳои пеш барои истифодаи шахсии император бунёд шуда буд, таъсис ёфт.

Масоҳати умумии боғ 58,3 гектарро ташкил медиҳад. Дар ин ҷо беш аз 100 ҳазор дарахт, аз ҷумла 1300 навъи сакура парвариш меёбад. Дар фасли шукуфтанҳо боғи Шинҷуку макони дӯстдоштаи сайру сайёҳати сокинону сайёҳон мегардад.

Он ба се қисм - японии анъанавӣ, франсузӣ ва боғи англисӣ тақсим шуда, дар боғи ботаникӣ навъҳои хеле зиёди растаниҳои тропикӣ ҷамъоварӣ гардидааст. Дар ин ҷо навъҳои нодири платан ва дарахтони лола парвариш меёбад.

Дар фасли баҳор олу, магнолияи сафед ва сакураҳо, дар тирамоҳ савсанҳои нилӣ ва дарахтони зайтун гул мекунанд.

Боғи миллии Шинҷуку яке аз боғҳои машҳури Токио ба шумор рафта, онро нигини санъати боғпарварии давраи Мейдзӣ меноманд.

Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз тамошои боғ таассуроти нек бардошта, ба коргарону масъулони боғ барои парвариши ниҳолҳои нодиру зебо баҳои баланд доданд.

Мавриди зикр аст, ки солҳои охир бо ташаббуси бевоситаи Сарвари давлат аз гушаву канори олам, аз кишварҳои хориҷ навъҳои гуногуни дарахтони сояафкану ороишӣ барои корҳои ободонӣ, сабзу хуррамгардонии муҳити атроф ва боғҳои фарҳангию фароғатии пойтахт ворид карда мешавад.

Қариб дар ҳама фаслҳои сол кӯчаву хиёбонҳои пойтахт бо гулу буттаҳои рангоранг ва ороишӣ, инчунин дарахтони ба саломатии инсон фоидаовар, оро дода мешавад.

https://www.flickr.com/photos/khadamotimatbuot/sets/72157701856079654/




  Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>

Qonun4

© 2023 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика