23-юми январи соли равон дар толори маҷлисгоҳи Академияи ВКД вохӯрии кормандони Агентии давлатии назорати молиявӣ ва мубориза бо коррупсияи назди Президенти Ҷумҳурии Тоҷикистон бо ҳайати профессорону омӯзгорон ва кормандони ин таълимгоҳи тахассусӣ баргузор гардид.
Вохӯриро нахуст муовини аввали сардори Академияи ВКД, генерал-майори милитсия Кабирзода Ҷ.Ҳ. кушода, дар бораи сиёсати давлатии муқовимат ба коррупсия маълумоти мухтасар дод. Сипас, кормандони Агентӣ, капитани адлия Турсунзода Ш. ва полковники адлия Сафарзода Қ. бо маърӯзаҳо дар мавзӯъҳои вобаста ба муборизаву муқовимат ва пешгирии ҷиноятҳои хусусияти коррупсионӣ дошта баромадҳо намуда, аз дастовардҳои Агентӣ дар давоми 10 соли фаъолияти он иттилоъ доданд. Кормандони Агентӣ қайд намуданд, ки Вазорати корҳои дохилӣ низ яке аз субъектони муборизабарандаи коррупсия буда, дар ин ҷода корҳои зиёдеро ба анҷом расонидааст. Дар баромади худ кормандони Агентӣ дар бораи «Стратегияи давлатии муқовмат бо коррупсия барои солҳои 2013-2020» ҳарф зада, барои пешгирии коррупсия тавсияҳои муфид пешниҳод намуданд.
Дар хотимаи мулоқоти судманд кормандони Агентӣ ба саволҳои омӯзгорон посух гуфтанд.
Б. Асламов, Ш. Убайдуллоев
Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>