Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Телефон дар хусуси ҷаримаҳои Бозрасии давлатии автомобилӣ маълумот медиҳад

265

Хизматрасонии «Шаҳри бехатар» аз оператори имконияти нави рақамӣ ба соҳибони мошинҳо кумак мекунад, ки дар бораи ҷаримаҳои ҳисобшуда тавассути SMS огоҳ гардида, ба мушкилоти вобаста ба сари вақт напардохтани онҳо дучор нашаванд. Маълумот дар бораи қоидавайронкуниҳои сабтшуда пас аз пайдо шудан дар махзани Бозрасии давлатии автомобилӣ дастрас мегардад. Нархи хизматрасонӣ 7 сомониро дар як моҳ бо назардошти андоз аз арзиши иловашуда (ААИ) ва андози аксиз ташкил медиҳад.
Вайронкунии қоидаҳои ҳаракат дар роҳ ( ҚҲР) метавонад ба таври автоматӣ бо ёрии видеокамераҳо сабт шавад. Дар ин маврид ронандагон аксар вақт аз ҷаримаҳо дер хабардор мешаванд. Ва ин бо мушкилоти нав таҳдид мекунад, масалан, мошинеро, ки ҷаримаҳои пардохтнашуда дорад, аз қайди Бозрасии давлатии автомобилӣ баровардан ва фурӯхтан мумкин нест. Хизматрасонии «Шаҳри бехатар» аз ширкати «МегаФон Тоҷикистон» ба соҳибони мошинҳо кумак менамояд, ки худро аз душвориҳо канор гиранд.
Моҳияти хизматрасонӣ аз ин иборат аст: истифодабаранда SMS-дархост бо матни «СТАТУС» ба рақами 0008 мефиристад. Агар дар махзани маълумоти Бозрасии давлатии автомобилӣ маълумот дар бораи ҷаримаҳои ҳисобшуда мавҷуд бошад, соҳиби мошин паёми ҷавобиро бо нишон додани миқдори ҷаримаҳо ва намуди қоидавайронкунӣ, масалан, далели гузаштан аз ранги сурхи чароғак ё убур кардани хати яклухти роҳ қабул менамояд. Инчунин имконияти дидани аксҳоро аз камераҳои назоратӣ доред ва метавонед аниқ намоед, ки вайронкунии қоидаҳои ҳаракат дар роҳ маҳз дар куҷо содир шудааст.
Ҳангоми набудани маълумот дар махзани Бозрасии давлатии автомобилӣ ба рақами истифодабарандаи хизматрасонӣ SMS бо матни «Аз рӯи мошини шумо ҷарима ошкор нашудааст» меояд.
Барои пайвасткунии «Шаҳри бехатар» ба муштарии ширкати «МегаФон Тоҷикистон» дар телефони худ рақамчинӣ кардани дархости *0008# ва пахши тугмаи даъват кифоя аст. Барои танзими пурра бояд рақами давлатии мошин ва рақами шаҳодатномаи техникӣ нишон дода шавад.
Дархостро ба рақами 0008 ҳар рӯз фиристодан мумкин аст. Сари вақт гирифтани маълумот ба дарҳол супоридани ҷаримаҳо ва пешгирии ҷамъшавии маблағҳои калоне, ки аз буҷети оила ҷудо намуданашон душвор аст, имкон медиҳад.
АКС: аз ширкати «МегаФон Тоҷикистон»




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика