Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

ЭЪЛОН

Озмуни "Беҳтарин тарғибгарони маърифати ҳуқуқӣ"

Ҳафтаномаи ҳуқуқӣ, сиёсӣ ва иҷтимоии "Қонун ва ҷомеа" бо мақсади омӯзиш ва ташаккули маърифати ҳуқуқӣ, такмили донишҳои ҳуқуқии кормандони мақомоти корҳои дохилӣ, инчунин дарёфти чеҳраҳои нави ҳуқуқдон ва баланд бардоштани завқи омӯзиши илмҳои ҳуқуқшиносӣ, бахшида ба 30-солагии қабули Конститутсияи Ҷумҳурии Тоҷикистон ва эълон гардидани соли 2024 ҳамчун "Соли маърифати ҳуқуқӣ" озмуни "Беҳтарин тарғибгарони маърифати ҳуқуқӣ"-ро доир менамояд. Ба озмун танҳо ҳайати шахсии Вазорати корҳои дохилӣ ва ҷузъу томҳои он, шунавандагону курсантони муассисаҳои таълимии ВКД ва афсарону сарбозони Қӯшунҳои дохилӣ мақолаҳои худро пешниҳод карда метавонанд.
Озмун дар як давр тавассути ҳафтаномаи ҳуқуқӣ, сиёсӣ ва иҷтимоии "Қонун ва ҷомеа" гузаронида шуда, қабули маводҳо то 25-уми октябри соли 2024 идома меёбад.
Дар вақти баҳогузорӣ ва холгузорӣ ба мақолаҳо маҳорати ҳуқуқдонии кормандон (муаллифон), иқтибос аз қонунҳои амалкунандаи самти фаъолият, истифодаи дурусти истилоҳоти ҳуқуқӣ, имлои забони тоҷикӣ, мақолаҳои хуби таҳлилӣ дар самти фаъолият ба назар гирифта мешаванд.
Матлабҳо бо ишораи "Ба озмуни "Беҳтарин тарғибгарони маърифати ҳуқуқӣ"" тариқи суроғаи электронии ҳафтаномаи "Қонун ва ҷомеа" - Этот адрес электронной почты защищен от спам-ботов. У вас должен быть включен JavaScript для просмотра. қабул карда мешаванд.
Бо мақсади ташкили самарабахши озмун дар ҳафтаномаи ҳуқуқӣ, сиёсӣ ва иҷтимоии "Қонун ва ҷомеа" ҳайати комиссия аз ҳисоби намояндагони Дастгоҳи Вазири корҳои дохилӣ, Раёсати нозиротӣ-ташкилӣ, Раёсати кадрҳо ва кор бо ҳайати шахсии ВКД, омӯзгорони соҳаи ҳуқуқ ва забони Академияи ВКД, инчунин ҳуқуқшиносон созмон дода мешавад.
Намояндагони ситоди корӣ мақолаҳои барои озмун ба нишонии ҳафтанома воридгардидаро мавриди таҳлилу баррасӣ қарор дода, ҳар як маводро баҳогузорӣ менамоянд.
Маросими ҷамъбасти озмун дар арафаи Рӯзи қабули Конститутсияи Ҷумҳурии Тоҷикистон бо иштироки роҳбарияти ВКД дар фазои тантанавӣ баргузор гардида, ғолибони озмун дар рӯзи ҷамъбастӣ бо "Ифтихорномаи фахрии ВКД", "Сипоснома"-и ВКД ва мукофоти пулӣ сарфароз гардонида мешаванд.
Қадрдонӣ чунин сурат мегирад:
Ҷойи 1-ум "Ифтихорномаи фахрии ВКД" - 3000 сомонӣ;
Ҷойи 2-юм "Ифтихорномаи фахрии ВКД" - 2000 сомонӣ;
Ҷойи 3-юм "Ифтихорномаи фахрии ВКД" - 1000 сомонӣ;
Инчунин, барои 3 ҷойи ифтихорӣ ба ҳар кадоме "Сипоснома"-и ВКД ва 500 сомонӣ мукофотпулӣ муайян гардидааст.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика