Мусобиқаи кушоди варзишӣ оид ба гӯштини ҷудо

Бахшида ба Рӯзи милитсияи тоҷик дар Маҷмааи варзишии Шӯрои ҷумҳуриявии «Динамо»-и ВКД мусобиқаи кушоди варзишӣ аз намуди гӯштини ҷудо миëни ҷузъу томҳои мақомоти корҳои дохилӣ, бо иштироки зиëда аз 50 нафар баргузор гардид.

Нахуст намояндагони кумитаи тадорукоти мусобиқа иштирокчиён ва дар симои онҳо, тамоми ҳайати шахсии мақомоти корҳои дохилиро, ки муҳофизони тартибу низом, ҳомиёни ҳуқуқ ва посдорони суботу оромии кишвар мебошанд, ба Рӯзи милитсияи тоҷик табрику таҳният гуфта, барояшон саломатӣ, хушбахтиву хонаободӣ ва дар ҷодаи кору фаъолияташон муваффақиятҳои нав ба нав таманно намуданд.
Қайд гардид, ки боиси ифтихор аст, ки имрӯз кормандони мақомоти корҳои дохилӣ дар баробари кору фаъолият ва саҳмгузорӣ баҳри таъмини суботу оромӣ, ҳифзи тартиботи ҷамъиятӣ ва ҳимояи манфиатҳои шаҳрвандон дар мусобиқаҳои гуногун фаъолона ширкат меварзанд. Баргузории чунин мусобиқаҳо рӯҳияи онҳоро болида ва иродаашонро боз ҳам қавӣ мегардонанд.
Дар ҳисоби даставӣ мақоми 1-умро дастаи Раёсати Қӯшунҳои дохилӣ, ҷойи 2-юмро тими Академияи ВКД ва зинаи сеюми мусобиқаро дастаи ШВКД дар шаҳри Ваҳдат соҳиб гардиданд.
Дар охир ғолибон ва ҷоизадорон бо Ҷом, медал, диплом, Ифтихорнома ва дигар тӯҳфаҳои хотиравӣ қадрдонӣ карда шуданд.
Н. ҶОБИРОВ