Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Мусобиқаи даставии футбол бахшида ба Рӯзи Ваҳдати миллӣ

IMG 8444

Роҳбарияти Раёсати ВКД дар вилояти Суғд ба муносибати ҷашни умумиллии «Рӯзи ваҳдати миллӣ», ки санаи 27- июн буда ҳамчун санаи таърихиву тақдирсоз барои халқи тоҷик шинохта шудааст мусобиқаи даставии футбол барои дарёфти «Ҷоми сардори Раёсати ВКД дар вилояти Суғд»-ро ташкил намуд. Дар маросими кушодашавии мусобиқа муовини сардори Раёсати ВКД дар вилояти Суғд полковники милитсия Олимҷон Бурҳониён иштироку суханронӣ ва мақсади баргузории чорабинии варзиширо шарҳ дод. Мавсуф ҷалби кормандон ба намудҳои гуногуни варзишро омили пояндагии саломатӣ, авҷдиҳандаи нерӯ ва пешбурди тарзи ҳаёти солим арзёби намуда таъкид дошт, ки варзиш дар реҷаи кории МКД мавқеи хос дошта ҳамеша мавриди таваҷҷуҳ қарор дорад.
Шуруъ аз 14-уми июн мусобиқаи футбол бо иштироки 14 дастаҳои шуъбаву хадамотҳои дастгоҳи марказии Раёсат дар ду зергуруҳ оғоз ёфт. Баргузории мусобиқаи мазкур дар партави чорабиниҳо бахшида ба 25 солагии «Рӯзи Ваҳдати миллӣ» ҷараён гирифта ғолибон дар арафаи ин ҷашнвораи умумимиллӣ қадршиносӣ мешаванд.
Мусобиқа дар ду майдончаи варзишии Боғи Ғалабаи шаҳри Хуҷанд таҳти назорати мураббиёни яке аз беҳтарин дастаҳои футзали ҷумҳурӣ «Сипар» ҷараён хоҳад гирифт. Мавриди зикр аст, ки барои дар сатҳи баланди варзишӣ гузаштани мусобиқа масъулини дастаи футзали «Сипар» ҷалб карда шуда, ҷиҳати ташкил ва сифатнокии мусобиқа саҳмгузори менамоянд.
Бозии дастаҳои Шуъбаи ташкилӣ-нозиротӣ ва Шуъбаи тиббии Раёсат оғозбахши мусобиқа гардид, ки ба пирӯзии дастаи Шуъбаи тиббӣ хотима ёфт. Ба ҳамин монанд дастаи Шуъбаи ҳифзи тартиботи ҷамъиятӣ дастаи Шуъбаи кофтукови ҷиноятиро шикаст дод ва дастаи мачмуавӣ аз ҳисоби кормандони шуъбаҳои алоқа, таҳқиқу молия аз болои дастаи Хадамоти огоҳонӣ ва пешгирии ҳуқуқвайронкунӣ байни ноболиғон ва ҷавонон пирӯз шуд.IMG 8442
Ҷараёни мусобиқа нишон медиҳад, ки дастаҳо омодагии хуб дидаанд. Тавре аз кумитаи тадорукоти чорабинӣ иттилоъ доданд мусобиқа аз рӯи системаи даврӣ гузаронида шуда ҳамарӯза ташкили аз чор то шаш бозӣ дар назар аст.
Тавре таъкид гардид ишғолкунандагони се зинаи ифтихорӣ соҳиби Ҷомӣ мусобиқа ва медалу туҳфа хоҳанд шуд. Бар замми ин маҳорати футболбозон дар алоҳидагӣ қадршиносӣ мешавад.
Акбар Шарифӣ, майори милитсия




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика