Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Дастаи Бонки миллӣ ғолиби «Ҷоми Вазири корҳои дохилӣ»

IMG 8111

Рӯзи 4-уми март дар толори Шӯрои ҷумҳуриявии «Динамо»-и ВКД маросими ҷамъбастии мусобиқаҳои кушоди варзишӣ аз намуди футболи хурд, гӯштини самбо, шашка ва шоҳмот миёни кормандони мақомоти ҳифзи ҳуқуқ, сохторҳои қудратӣ ва корхонаю идораҳои давлатии Ҷумҳурии Тоҷикистон барои дарёфти "Ҷоми Вазири корҳои дохилӣ" доир гардид. Ин мусобиқаҳо бахшида ба Рӯзи таъсисёбии Қувваҳои Мусаллаҳи Ҷумҳурии Тоҷикистон баргузор гашта, дар даври ҷамъбастӣ муовини Вазири корҳои дохилӣ генерал-майори милитсия Раҳмонзода Саиднахш Ҳаким, котиби генералии Кумитаи миллии олимпӣ, намояндаи Федератсияи футболи Тоҷикистон, инчунин масъулини дигар корхонаю идораҳои давлатӣ ширкат варзиданд.

Нахуст, генерал-майори милитсия Саиднахш Раҳмонзода суханронӣ намуда, иброз дошт, ки роҳбарияти ВКД дар партави амалисозии сиёсати созандаю бунёдкоронаи Ҳукумати мамлакат, зери роҳбарии Пешвои миллат муҳтарам Эмомалӣ Раҳмон баҳри рушди варзиш, тарғибу ташвиқи тарзи ҳаёти солим ва бо ин роҳ, пешгирии ҷинояткорию нашаъмандӣ ва дигар кирдорҳои номатлуб тамоми тадбирҳои заруриро меандешад.
Ин навбат, иштироки фаъолонаи дастаҳо аз зери як парчам сарҷамъ гаштани варзишгарону кормандони касбу кори гуногун худ нишонаи эҳтиром ба арзишҳои миллӣ, рукнҳои давлатдорӣ, азму иродаи дӯстию рафоқат, пешгирии ҷинояткорӣ ва нигоҳ доштани сулҳу субот ва оромӣ дар кишвар мебошад.
Муовини Вазир дар идома афзуд, ки имрӯз аз тарафи Ҳукумати кишвар ҷиҳати ба варзиш машғул гардидани варзишгарону кормандони мақомоти корҳои дохилӣ ва шаҳрвандони ҷумҳурӣ диққати махсус зоҳир карда мешавад. Ҳамчунин, бо мақсади оммавӣ гардонидани варзиш ва таҳкими риштаҳои дӯстӣ баргузории мусобиқа ва дигар чорабиниҳои фарҳангию варзиширо бештар намуда истода, дар оянда низ ба ин самт таваҷҷуҳи боз ҳам бештар зоҳир карда мешавад.

IMG 8191
- Боиси хушҳолист, ки дар ин мусобиқа намояндагони вазорату кумитаҳо ва идораҳои мухталифи ҷумҳурӣ иштирок ва шумораи онҳо назар ба солҳои пеш зиёд гардид. Боварӣ дорам, ки дар мақомоти ҳифзи ҳуқуқ, сохторҳои қудратӣ ва ташкилоту идораҳои ҷумҳурӣ кормандони ҷисман неруманд, ҷасур, чусту чолок кору хизмат менамоянд ва вазифаҳои бауҳдадоштаашонро дар сатҳи баланди касбӣ ба сомон расонида, баҳри ҳифзи марзу буми Ватани маҳбубамон доимо омодаанд, - гуфт баромадкунанда.
Дар маросими ҷоизасупорӣ ба ғолибони мусобиқаи футболи хурд, футболбозон аз номи Вазири корҳои дохилӣ бо Ҷом, медал ва Сипоснома қадрдонӣ карда шуданд.
Бояд ёдовар шуд, футболбозон тӯли як моҳ ба ду гурӯҳ - ҷавонон ва собиқадорон дар ҳайати 40 даста ба ҳам сабқат намуданд.
Ҳамин тавр, дар ҷамъбасти мусобиқаи футболи хурд миёни ҷавонон ҷойи аввалро дастаи Бонки миллии Ҷумҳурии Тоҷикистон бо гирифтани «Ҷоми Вазири корҳои дохилӣ» соҳиб шуд. Ҷойи дуюм ба тими "Динамо"-и ВКД ва ҷойи сеюм ба дастаи ширкати "Вавилон" муносиб дониста шуданд.

IMG 8139
Дар ин намуд, инчунин миёни собиқадорон бошад, ҷойи аввалро дастаи «Вавилон», ҷойи дуюм ба футболбозони дастаи Тарабхонаи Бухоро ва зинаи сеюм насиби дастаи «Динамо»-и ВКД гашт.
Ҳамлагари мусобиқаи футболи хурд миёни собиқадорон Баҳодур Холиқзода аз дастаи «Динамо»-и ВКД дониста шуд. «Нишонзани беҳтарин» аз ин даста Шуҷоат Неъматов, «Бозингари беҳтарин» миёни ҷавонон Фарҳод Қодиров аз дастаи Бонки миллӣ ва «Дарвозабони беҳтарин» Фаридун Ғаниев аз дастаи шабакаҳои барқӣ дониста шуданд.

Тоҷиддин ЛАТИПОВ




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика