Фаъолнокии бонувон дар мусобиқаи теннис

Бахшида ба Рӯзи модар дар ВКД мусобиқаи шахсӣ-даставӣ аз намуди тенниси рӯйи миз миёни кормандзанони мақомоти корҳои дохилӣ дар ҳайати 15 даста баргузор гардид.

Дар маросими кушодашавии он масъулини Шӯрои ҷумҳуриявии «Динамо»-и ВКД баромад намуда, иброз доштанд, ки дар ҷомеаи имрӯза занону бонувон дар тамоми соҳаҳо кору фаъолият мебаранд. Кормандзанони мақомоти корҳои дохилӣ паҳлӯ ба паҳлӯи родмардони Ватан хизмат намуда, дар рисолати таъмини амнияти шаҳрвандону мубориза бо ҷинояткорӣ саҳми худро мегузоранд. Дар ин баробар, миёни кормандзанон варзишгарони зиёде ҳам ҳастанд, ки обрӯи ВКД-ро дар арсаи ҷумҳурию байналмилалӣ боло мебардоранд. Бо мақсади дарёфти чеҳраҳои нави варзишгарон миёни кормандзанони мақомоти корҳои дохилӣ, инчунин баҳри рушди варзиши кишвар, дӯстию ҳамдигарфаҳмӣ миёни кормандзанон ва тарғиби тарзи ҳаёти солим тасмим гирифта шуд, ки мусобиқаи варзишӣ гузаронида шавад.
Пас аз сабқатҳо ғолибон муайян гардиданд. Ҳамин тавр, дар ин мусобиқа ҷойи аввалро сардори котиботи РОПҲНҶ-и ВКД капитани милитсия Мавҷуда Хусравзода, зинаи дуюмро сержанти хизмати дохилӣ Бибиҳамро Уроқова аз СХДО-и ВКД ва мақоми сеюмро ваколатдори оперативии ШАОИ-и ВКД капитани милитсия Соҷида Султоншоева соҳиб гардиданд.
Дар намуди даставӣ ҷойи аввал насиби дастаи РОПҲНҶ, ҷойи дуюм ба тими СХДО ва зинаи сеюм ба дастаи ШАОИ-и ВКД насиб гардид.
Дар фарҷом ба ғолибон туҳфаҳои хотиравӣ тақдим карда шуд.

Тоҷиддин Латипов