Мусобиқаи вазнбардорӣ дар СХДО

Дар саҳни ҳавлии Сарраёсати хадамоти давлатии оташнишонии Вазорати корҳои дохилии Ҷумҳурии Тоҷикистон бахшида ба рӯзи Қувваҳои мусаллаҳи Ҷумҳурии Тоҷикистон мусобиқаи Сарраёсати хадамоти давлатии оташнишонии ВКД оид ба вазнбардорӣ байни ҷузъу томҳои ХДО гарнизони Душанбе баргузор гардид.

Қобили қайд аст, ки варзиш яке аз воситаҳои тарзи ҳаёти солим ва пешравии ҷомеа ба шумор рафта, дар баробари пешрафти фаъолияти ҳамарӯзаи ҳар як корманди мақомоти корҳои дохилӣ, бахусус кормандони ХДО боз ҳам завқи онҳоро дар иҷрои касбу кор ва барои хизмат ба Ватан афзунтар менамояд. Боиси тазаккур аст, ки дар ин мусобиқа 12 дастаи хуб тайёрӣ дидаи гарнизони ХДО шаҳри Душанбе байни худ қувваозмоӣ намуданд.
Чорабинии варзишӣ бисёр ҳам ҷолибу хотирмон доир гардида, ҷамъбасти натиҷаҳои он нишон дод, ки ҷойи аввалро варзишгарони қисми мустақили 27-уми ҲХДО оид ба муҳофизати ноҳияи Шаҳринав, ҷойи дуюмро варзишгарони ДА ҲХДО оид ба муҳофизати ноҳияи Варзоб ва ҷойи сеюмро қисми мустақили 1-уми ҲХДО оид ба муҳофизати ноҳияи Шоҳмансури шаҳри Душанбе ишғол намуданд.
Дар интиҳои чорабинӣ муовини сардори СХДО ВКД полковники хизмати дохилӣ Аминов Саидбек Азизович ва ёрдамчии сардори Сарраёсат оид ба варзиш ва омодагии касбӣ подполковники милитсия Шоҳиён Аслиддин ба ғолибони мусобиқа Ифтихорномаву тӯҳфаҳои хотиравӣ ҳадя намуда, барои иштироки фаъолона ва омодагии хуб диданашон ба чорабинии варзишӣ ба тамоми варзишгарон изҳори сипосу минатдории самимӣ баён намуданд.
Ҷамшедӣ Ҷ.О.
СХДО ВКД ҶТ