Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Динамочиёни тоҷик ғолиби сабқати Осиё

3

Дар Чемпионати Осиё-Уқёнус (Asia-Oceania Cadet Championships 2021) оид ба дзюдо, ки аз 2-юм то 5-уми декабр дар шаҳри Бейрути Лубнон миёни наврасон ва ҷавонон баргузор гардид, динамочиёни тоҷик Муҳаммадҷон Абдуҷалилов дар вазни 81 кг соҳиби ҷойи дуюм ва Давлатҷон Назриев дар вазни зиёда аз 100 кг сазовори мақоми сеюм гардиданд.

Лозим ба ёдоварист, ки дар ин мусобиқа байни наврасон 137 варзишгар ва миёни ҷавонон 127 варзишгар аз 17 кишвари Осиё ширкат карданд. Қувваозмоиҳо миёни наврасон 2-3 декабр ва миёни ҷавонон 4-5 декабр баргузор гардид.
Аз Ҷумҳурии Тоҷикистон ба мусобиқаи наврасон 7 нафар ва ба мусобиқаи ҷавонон 9 нафар сафарбар шуданд.
Ҳамин тариқ, тими дзюдои Тоҷикистон дар Чемпионати Осиё-Уқёнус миёни наврасон ва ҷавонон сазовори 8 медал - 1 тилло, 2 нуқра, 5 биринҷӣ гардид.
Ба иттилои Федератсияи байналмилалии дзюдо, аъзои Шӯрои ҷумҳуриявии «Динамо»-и ВКД Муҳаммадҷон Абдуҷалилов рақобатро аз чорякниҳоӣ муқобили Ҳусам Ҳаблос аз Сурия шурӯъ карда, дар ин нерусанҷӣ бо ду «ваза-ари» (сэои нагэ) рақибро таслим кард ва ба нимниҳоӣ баромад. Дар нимниҳоӣ бошад, бар варзишгари Ҳиндустон - Моҳит Сеҳрават бо «иппон» пирӯз шуд ва ба финал роҳ ёфт. Дар финал аз Шодмон Ризоев шикаст хурд ва барандаи нишони нуқра гашт.
Динамочии дигар, Давлатҷон Назриев дар чорякниҳоӣ аз Чон Ву-хёки кореягӣ шикаст хурд, вале дар мубориза барои нишони биринҷӣ бар Ҷасим Албу-Фаради аз Ироқ дар 33 сония бо баҳогузории «иппон» дастболо ва сазовори медали биринҷӣ гардид.

 

Наврӯз Ҷобиров

 




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика