Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ҷамъбасти футболи хурд ба муносибати таҷлили «Рӯзи милитсия» дар пойтахт

1

Бо мақсади тарғиби тарзи ҳаёти солим, обутоби ҷисмонӣ, ҷалби кормандони милитсия ба варзиш ва муайян намудани варзишгарони беҳтарину болаёқат бахшида ба таҷлили иди касбии кормандони мақомоти корҳои дохилӣ - «Рӯзи милитсия» аз 1-ум то 8-уми ноябри соли равон бо ташаббуси Раёсати Вазорати корҳои дохилӣ дар шаҳри Душанбе мусобиқаи кушоди даставӣ оид ба футболи хурд байни кормандони милитсияи пойтахт гузаронида шуд.

Мусобиқаҳои футболи хурд байни кормандони Дастгоҳи марказии Раёсат ва Шуъбаҳои корҳои дохилӣ ва ҷузъу томҳои мақомоти милитсияи пойтахт, дар ҳайати 10-даста баргузор гардида, варзишгарон аз худ маҳорати баланди варзишӣ нишон доданд.
Воқеан машғул шудан ба варзиш кафили саломатӣ ва тарғиби тарзи ҳаёти солим ба шумор рафта, баргузории чунин чорабиниҳои варзишӣ миёни кормандони милитсия боиси болидарӯҳию обутоби ҷисмонӣ ва чустучолокии кормандони мақомоти корҳои дохилӣ мегардад.
Дар ҷараёни мусобиқаҳои варзишӣ дастаҳо аз худ маҳорати баланди варзишӣ нишон дода, ҳар кадоме барои ишғол намудани ҷойҳои намоён рақобат намуданд.
Ҳамин тариқ, дар мусобиқаи футболи хурд дастаҳои ШВКД дар ноҳияи И.Сомонӣ сазовори ҷойи якум, ШВКД-2 дар ноҳияи Фирдавсӣ мақоми дуюм ва ШВКД-1 дар ноҳияи Фирдавсӣ мавқеи сеюмро ишғол намуданд, ки ғолибон бо Ҷом, Диплом ва медалу Ифтихорномаҳо қадрдонӣ карда шуданд.
Дар маросими ботантанаи ҷоизасупорӣ масъулини Шӯрои ҷумҳуриявии «Динамо»-и ВКД, роҳбарияти Раёсати ВКД дар шаҳри Душанбе ва шумораи зиёди ҳаводорону ихлосмандони соҳаи варзиш иштирок намуданд.
Тавре дар ин чорабинӣ муовини сардори Раёсати ВКД дар шаҳри Душанбе полковники милитсия Зоирзода Муродалӣ Қурбон иброз намуд: «Ҳадаф аз баргузории чунин чорабиниҳои варзишӣ - баланд бардоштани ҳисси ватандӯстию меҳанпарастӣ, тақвияти дӯстию рафоқат байни кормандони мақомоти корҳои дохилӣ, такмили маҳорати варзишӣ ва тарғиби тарзи ҳаёти солим мебошад».
Дар хотима кормандони мақомоти милитсия аз саъю кӯшиши Ҳукумати ҷумҳурӣ, махсусан роҳбарияти мақомоти корҳои дохилии пойтахт дар самти гузаронидани ин гуна чорабиниҳои варзишӣ, ки пеш аз ҳама, ба дӯстию ҳамдигарфаҳмӣ мусоидат менамоянд, изҳори минатдорӣ намуданд.

Сироҷиддин Шукурӣ, капитани милитсия




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun24

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика