Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ғолибияти динамочиёни наврас

1877

Иштироки варзишгарони наврас дар мусобиқаҳои гуногуни варзишӣ дар дохили кишвар боис мегардад, ки чеҳраҳои нави варзишӣ муаррифӣ ва баҳри дар сатҳи баланд тарбия намудани онҳо барои сабқатҳои минбаъда дар мусобиқаҳои байналмилалӣ тадбирҳо андешида шавад.
Ҳамин аст, ки аз 27-ум то 29-уми август дар шаҳри Истаравшани вилояти Суғд, бо мақсади тарғибу ташвиқи тарзи ҳаёти солим, баланд бардоштани маҳорати касбии варзишгарон, мустаҳкам намудани дӯстию рафоқат, муайян намудани беҳтарин варзишгарон дар дастаҳои варзишии ҷумҳурӣ мусобиқаи ҷумҳуриявӣ миёни наврасони солҳои таваллудашон 2005-2007 аз намуди гӯштини юнону румӣ, бахшида ба 30-солагии Истиқлоли давлатӣ баргузор гардид, ки дар он варзишгарони навраси "Динамо"-и ВКД низ ширкат намуданд. Дар мусобиқаи мазкур 20 даста аз вилоят ва шаҳру ноҳияҳои кишвар ширкат намуда, варзишгарони дастаи "Динамо" аз худ маҳорати хуби варзишӣ нишон дода, ба гирифтани ҷойҳои намоён сазовор гардиданд. Ҳамин тавр, дар вазни 75 кг Низом Назарзода ва дар вазни 57 кг Муҳаммад Абдодов сазовори ҷойи якум гаштанд. Ҷойи дуюм ба Комрон Сулаймонов дар вазни 52 кг ва Аминҷон Қаҳҳоров дар вазни 41 кг муносиб дониста шуданд. Зинаи сеюми ин мусобиқа дар вазни 85 кг ба варзишгари наврас Мирзо Сулаймонов насиб гардид.

18781879

Ба ҳамин монанд, рӯзҳои 24-25-уми август дар шаҳри Душанбе мусобиқаи шаҳрӣ байни наврасони солҳои таваллудашон 2005-2007 аз намуди гӯштини юнону румӣ баргузор гардид, ки дар он 10 дастаи варзишии пойтахт ширкат карданд. Ҳамин тариқ, дар ин чорабинӣ динамочиён Низом Назарзода ва Аминҷон Қаҳҳоров дар вазнҳояшон сазовори мақоми аввал дониста шуда, дар зинаи дуюм бошад, дар вазни 41 кг Азамҷон Зафарзода, дар вазни 35 кг Имронҷон Зуҳуров ва дар вазни 85 кг ҷойи сеюмро Ардамеҳр Миршамсзода сазовор шуданд. Дар маҷмӯъ, аз тими "Динамо"-и ВКД 10 варзишгар ҷойҳои намоёнро ба даст оварданд.

Тоҷиддин ЛАТИПОВ




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика