Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Мусобиқаи ҷумҳуриявии шиноварӣ дар ноҳияи Ховалинг

1788

Санаи 24 июли соли 2021, бо ташаббуси Федератсияи миллии шиноварии Ҷумҳурии Тоҷикистон ва дастгирии Вазири корҳои дохилӣ, генерал-полковники милитсия Раҳимзода Рамазон Ҳамро, Федератсияи байналмиллалии шиноварӣ ва Мақомоти иҷроияи ҳокимияти давлатии ноҳияи Ховалинг дар ҳавзи шиноварии ҷамоати деҳоти Лоҳутии ноҳияи Ховалинг бахшида ба таҷлили ҷашни 30-солагии Истиқлолияти давлатии Ҷумҳурии Тоҷикистон мусобиқаи ҷумҳуриявӣ оид ба шиноварӣ ташкил ва гузаронида шуд.
Дар мусобиқаи мазкур 170 нафар варзишгарони касбию ғайрикасбӣ, наврасону ҷавонон ва духтарчаҳои шиновар аз шаҳрҳои Душанбе, Кӯлоб ва ноҳияҳои Ховалингу Балҷувон ширкат варзиданд.

178917901791179217961797

Ҳадаф аз баргузории мусобиқаи варзишӣ - рушду тарғиби варзиши шиноварӣ дар сартосари кишвар, ҷалби сокинон, махсусан ҷавонону наврасон ба ин намуди варзиш ва тавассути он омӯзиши қоидаҳои бехатарии шиноварӣ ба ҳисоб меравад.
Дар маросими кушодашавии мусобиқаи ҷумҳуриявӣ оид ба шиноварӣ раиси ноҳияи Ховалинг Маҷидӣ Муҳтадӣ Хайрулло баромад намуда, меҳмонону иштирокчиёнро ба диёри хушманзараи ноҳияи Ховалинг хайрамақдам гуфт. Мавсуф оиди аҳамияти варзиш, аз ҷумла шиноварӣ ба солимии рӯҳу тан, кӯшишҳои роҳбарияти давлату Ҳукумати кишвар дар самти беҳбудгардонии шароитҳои машғул гардидан ба варзиш ва дигар мавзӯи марбута ибрози назар намуд.
Пас аз садои Суруди миллии Тоҷикистон мусобиқаи ҷумҳуриявӣ оид ба шиноварӣ оғоз ёфт.
Нахуст, барои тамошобинону мухлисони варзиши шиноварӣ аз ҷониби мутахассисони Федератсияи миллии шиноварии кишвар тарзу усули дурусти шиноварӣ, қоидаҳои бехатарӣ зимни оббозӣ ва наҷот додани шахсони ғарқшуда нишон дода шуд.
Ҳамчунин, дар ин рӯз, ба муносибати «Рӯзи байналмиллалии варзишҳои намуди обӣ» аз ҷониби ташкилкунандагони чорабинӣ ба тамоми иштирокчиён тӯҳфаҳои хотиравӣ, аз қабили либоси варзишӣ, медалу ифтихорномаҳо тақдим карда шуданд.
Мусобақаи ҷумҳуриявии шиноварӣ байни варзишгарони касбию ғайрикасбӣ дар алоҳидагӣ аз намудҳои тарзи озод, пуштнокӣ, баттерфляй, брасс ба масофаи 50 метр баргузор гардид.
Аз натиҷаи ғолибияти бештари иштирокчиён дар байни варзишгарони касбӣ дастаи «Душанбе» ҷойи аввал, дастаи «Ховалинг» ҷойи дуюм ва дастаи «Кӯлоб» мақоми сеюмро ишғол намуданд. Дар байни варзишгарони ғайрикасбӣ бошад, дастаи ҷамоати деҳоти «Лоҳутӣ» мақоми аввал, дастаи «Ҷомбахт» зинаи дуюм ва дастаи «Равшанӣ» ҷойи сеюмро соҳиб гардиданд.

1793

Дар идомаи чорабинӣ, аз номи Раиси Федератсияи миллии шиноварии Ҷумҳурии Тоҷикистон, Вазири корҳои дохилӣ генерал-полковники милитсия Раҳимзода Рамазон Ҳамро ба 13 нафар варзишгарони беҳтарин ва мураббиён тӯҳфаҳои арзишнок, ҷузъдонҳо бо лавозимоти варзишӣ тақдим карда шуданд.  

17941795

Ғолибони мусобиқа дар маросими тантанавӣ бо медалу диплом ва тӯҳфаҳои арзишнок мукофотонида шуданд.
Мукофотҳоро раиси ноҳияи Ховалинг Муҳтадӣ Маҷидӣ, мушовири Вазири корҳои дохилӣ полковник Ориф Ҷӯраев ва муовини аввали Раиси Шӯрои Ҷумҳуриявии «Динамо»-и Вазорати корҳои дохилӣ подполковники хизмати дохилӣ Аслиддин Шоҳиён супориданд.

17991798

Пас аз анҷоми мусобиқаи ҷумҳуриявӣ, ҳавзи шиноварӣ, ки бо иқдоми Раиси Федератсияи миллии шиноварӣ Вазири корҳои дохилӣ генерал-полковники милитсия Раҳимзода Рамазон Ҳамро бо шароитҳои хуби замонавӣ муҳайё карда шудааст, барои истифодаи наврасону кӯдакони маҳаллаҳои наздик супорида шуд, ки хурсандии онҳоро ҳадду канор набуд. 

Х. Солиҳов




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика