Ҷамъбасти мусобиқаи «Футболи хурд» дар вилояти Хатлон

Бахшида ба таҷлили 20-солагии «Ваҳдати миллӣ» дар байни кормандони мақомотҳои корҳои дохилии вилояти Хатлон даври ниҳоии мусобиқаи «Футболи хурд» баргузор гардид.

Ҳадаф аз баргузории мусобиқаи «Футболи хурд» баланд бардоштани тайёрии ҷисмонӣ, тарзи ҳаёти солим, обутоби бадан ва ҷалб намудани кормандони мақомоти корҳои дохилӣ ба намудҳои варзиш буда, мусобиқаи мазкур аз 8-ум то 22-юми майи соли равон бо иштироки зиёда аз 20 даста идома ёфт.
Ба даври нимниҳоӣ 4 даста роҳ ёфта, бо ҳам барои ба даст овардани ғолибият рақобат намуданд.
Мусобиқаи байни дастаҳо ҷамъбаст гардида, дастаи футболбозони Хадамоти муҳофизаи вилояти Хатлон сазовори мақоми аввал ва соҳиби Ҷому Ифтихорномаҳои Раёсати вазорати корҳои дохилӣ дар вилояти Хатлон гардиданд.
Ҷои дуюм насиби бозингарони дастаи қисми низомии 3503-и Раёсати қӯшунҳои дохилӣ дар шаҳри Қурғонтеппа ва ҷой сеюм насиби футболбозони дастаи ШВКД дар шаҳри Сарбанд гардида, ба онҳо низ Ифтихорнома ва тӯҳфаҳои хотиравӣ тақдим карда шуд.

Доварон ва нишонзанҳои беҳтарин бо Ифтихорномаҳои РВКД дар вилояти Хатлон сарфароз гардонида шуда, иштирокчиёни фаъоли мусобиқа - дастаҳои футболбозони ШВКД дар шаҳру ноҳияҳои вилояти Хатлон бо Ифтихорномаву Сипосномаҳо сарфароз гардонида шуданд.
Офоқ Қодириён