Мусобиқаҳои шашкаю шоҳмот байни варзишгарони наврасу ҷавон

Ҳафати равон дар Маҷмаии варзишии Шӯрои ҷумҳуриявии «Динамо»-и Вазорати корҳои дохилӣ бахшида ба Истиқлолияти Ҷумҳурии Тоҷикистон ва «Соли ҷавонон" мусобиқаҳои варзишӣ аз намуди «Шашка» ва «Шоҳмот» байни кӯдакон, наврасон ва ҷавонони аъзои дастаи «Динамо» зери унвони «Шоми Истиқлол» баргузор гардид.

Дар ин мусобиқаҳо варзишгарони наврасу ҷавони тамоми бахшҳои варзишие, ки дар Шӯрои ҷумҳуриявии «Динамо» фаъолият доранд, аз ҷумла футболбозону волейболистон, шиноварон, гуштингирони тарзҳои самбо, юнону румӣ, дзю-до, инчунин бокс ва кикбоксинг бо шавқу ҳавас ва талош барои ғолибият иштирок намуданд.
Ҳамин тариқ, варзишгарони зерин ғолиби мусобиқа гардиданд:
- аз намуди шашка миёни кӯдакон Зикриоллоҳ Маҳмадизода ҷойи якум, Ҳамроҳ Ҳасанзода ҷойи дуюм ва Сорбон Кароматуллозода ҷойи сеюм;
- аз намуди шашка миёни наврасон Шаҳром Ҳабибов зинаи аввал, Фарёди Фарҳод ҷойи дуюм ва Юнус Оев ҷойи сеюм;
- аз ҳамин намуди варзиш байни ҷавонон ҷойи аввал насиби Рамазон Рашидов, ҷойи дуввум Сафаралӣ Маҳмадиев ва соҳиби ҷойи сеюм Носир Самиев;

- аз намуди шоҳмот дар байни наврасон бошад, ҷойи якумро Билол Каримов соҳиб гашта, ҷойи дуюмро Иқбол Қосимов ва ду ҷойҳои сеюмро Бахтиёр Тоиров ва Муҳаммадҷони Фарҳод ишғол намуданд.
Ғолибони мусобиқа аз номи роҳбарияти Вазорати корҳои дохилӣ бо медалу Ифтихорномаҳо мукофотонида шуданд.
Х. Солиҳов