Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Пирӯзии гӯштингирони ҷавони «Динамо» дар мусобиқаи ҷумҳуриявӣ

Дар мусобиқаи ҷумҳуриявӣ оид ба гӯштини «Юнону-румӣ» байни ҷавонони солҳои таваллудашон 1997-2000, ки рӯзҳои 21-23 апрели соли ҷорӣ дар шаҳри Истаравшани вилояти Суғд баргузор гардид, дастпарварони Шӯрои ҷумҳуриявии «Динамо»-и ВКД Ҷумҳурии Тоҷикистон фаъолона ширкат варзида, якчанд ҷойҳои ғолибиятро ба даст оварданд.

Мусобиқаи мазкур ба муносибати эълон гардидани соли 2017 ҳамчун «Соли ҷавонон» ташкил гардида, дар он беш аз 200 нафар варзишгарони ҷавон аз тамоми минтақаҳои ҷумҳурӣ дар ҳайати 20 даста қувваю маҳорати худро дар назди мухлисону тамошобинони сершумор санҷиданд.
Аз ҷониби Шӯрои ҷумҳуриявии «Динамо»-и Вазорати корҳои дохилӣ 16 нафар варзишгароне, ки таҳти роҳбарии мураббиён: муовини аввали раиси ШҶ «Динамо»-и ВКД подполковники хизмати дохилӣ Шоҳиён А.Н. ва муҳандиси калони Шӯъбаи хизмат ва омодабошии Сарраёсати хадамоти давлатии оташнишонии ВКД подполковники хизмати дохилӣ Назаров Н.Ҳ. машқу тамрин менамоянд, иштирок намуда, 6 мақоми ғолибияти мусобиқаро соҳиб гаштанд.
Динамочиён: Фирӯз Мирзораҷабов дар вазни 50 кило, Муҳаммад Файзов дар вазни 55 кило ва Фаррух Муратов дар вазни 66 кило ҷойҳои якумро гирифта, инчунин Аламшо Камолов, Дилшод Нарзибеков дар вазни 60 кило ва Абдусамади Аҳмадзод дар вазни 120 кило ба ишғоли ҷойҳои сеюм мушарраф гардиданд.

Боиси зикр аст, ки роҳбарияти Вазорати корҳои дохилӣ нисбати рушду нумӯи варзиш, фароҳам овардани шароити зарурӣ барои ҳайати шахсӣ ва варзишгарони мақомоти корҳои дохилӣ, дастгирии ҷавонону наврасони варзишгар таваҷҷӯҳи пайваста дошта, дар ташкил ва доир намудани мусобиқаҳои варзишӣ ва иштироки варзишгарони мақомоти корҳои дохилӣ дар мусобиқаҳои сатҳи ҷумҳуриявӣ ва байналмилалӣ ҳамаҷониба мусоидат менамояд.
Х. Солиҳов  


You have no rights to post comments



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика