Имрӯз, дар Маҷмааи варзишии Шӯрои ҷумҳуриявии «Динамо»-и Вазорати корҳои дохилӣ мусобиқаи «Муҳорибаи қаҳрамонҳо» байни мақомоти ҳифзи ҳуқуқ ва сохторҳои қудратии ҷумҳурӣ оид ба самбои муҳорибавии касбӣ (WCSF) бахшида ба «Соли ҷавонон - 2017» оғоз гардид.
Дар ин мусобиқа варзишгарони дастаҳо аз Вазорати мудофиа, Кумитаи давлатии амнияти миллӣ, Гвардияи миллӣ, Вазорати корҳои дохилӣ ва ҷузъу томҳои он бо теъдоди наздики 100 нафар ширкат меварзанд.
Чорабинии варзишии мазкур бо ташаббуси Вазорати корҳои дохилӣ, дар якҷоягӣ бо Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва клуби муҳорибавии «Истиқлол» ташкил ва баргузор гардида истодааст.
Айни замон, варзишгарон мувофиқи вазнҳои худ қувваи бозуи худро дар майдон санҷида, барои ба даври ниҳоӣ роҳ ёфтан кӯшишу ғайрати худро равона сохтаанд.
Аз даври ниҳоии мусобиқаи «Муҳорибаи қаҳрамонҳо» байни мақомоти ҳифзи ҳуқуқ ва сохторҳои қудратии ҷумҳурӣ оид ба самбои муҳорибавии касбӣ (WCSF) бахшида ба «Соли ҷавонон - 2017», ки баргузории он рӯзи 25-уми март дар назар дошта шудааст, иловатан иттилоъ хоҳем дод.
Х. Солиҳов, Т. Латипов
Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>
