Муайян гардидани ғолибони «Гуштини миллӣ»

Тавре қаблан иттилоъ дода шуда буд, дар толори Маҷмааи варзишии Шӯрои ҷумҳуриявии «Динамо»-и Вазорати корҳои дохилӣ мусобиқаҳои варзишӣ аз намуди футболи хурд, гуштини миллӣ, шиноварӣ, шашкаю шоҳмот миёни кормандони мақомоти ҳифзи ҳуқуқ, сохторҳои қудратӣ, корхонаю идораҳои давлатии Ҷумҳурии Тоҷикистон барои дарёфти «Ҷоми Вазири корҳои дохилӣ» таҳти шиори «Ҷавонон – нерӯи созанда» оғоз ёфта буданд.

Имрӯз (02.02.с.2017) даври ниҳоии мусобиқаи шахсӣ-даставӣ аз намуди «Гуштини миллӣ», ки тайи ду рӯз идома дошт, баргузор гардид.
Дар ин мусобиқа варзишгарони мактабҳои гуногуни варзишии ҷумҳурӣ, намояндагони мақомоти ҳифзи ҳуқуқ ва ташкилоту идораҳои давлатӣ иштирок намуда, дар назди тамошобинону мухлисони зиёди ин намуди варзиш ҳунару маҳорати худро нишон доданд.
Варзишгарон аз рўйи вазнҳои 60, 70, 80, 90, 100 ва беш аз 100 килограмм ба майдон баромаданд. Қувваозмоии иштирокчиёни мусобиқаро доварони шинохтаи ҷумҳурӣ баҳогузорӣ намуданд.
Ҳамин тариқ, аз натиҷаи рақобатҳои давра ба давраи гуштингирон ғолибон дар вазнҳои худ муайян гардиданд.

Дар вазни 60 кило ҷойи аввалро Халилов Ҷамшед аз Раёсати қӯшунҳои дохилии ВКД ишғол намуда, ҷойи дувумро Боқиев Суҳроб аз «Динамо»-и ВКД ва ду ҷойи севумро Гулов Ҳақдод аз шаҳри Ҳисор ва Абдураҳимов Наврӯз аз Кумитаи давлатии амниятӣ миллӣ соҳиб гаштанд.
Инчунин, дар вазни 70 кило Мехбуллоев Миралӣ аз Раёсати қӯшунҳои дохилии ВКД сазовори ҷойи аввал, ҷойи дуюмро Бодомаев Нуроншо аз ноҳияи Рӯдакӣ ва ҷойҳои сеюмро Юнусов Хисрав аз Раёсати қӯшунҳои дохилии ВКД ва Содиқзода Манучеҳр аз Кумитаи давлатии амниятӣ миллӣ ба даст оварданд.
Дар вазни 80 кило ғолиби мақоми аввал Қурбонов Ҷамшед намояндаи Раёсати қӯшунҳои дохилии ВКД дониста шуда, Саидов Маҳмадрасул варзишгари «Динамо»-и ВКД ҷойи дуввум, Ҷумаев Р. ва Очилдиев Абубакр намояндагони Кумитаи давлатии амнияти миллӣ ҷойҳои сеюмро соҳиб гаштанд.
Дар вазни 90 кило ғолибияти ҷойи аввал ба Шарипов Раҳмихудо муяссар гардида, ҷойи дуюмро Шайхов Шерзод аз Раёсати қӯшунҳои дохилӣ ва ҷойҳои сеюмро Оятуллои Қамарӣ варзишгари Кумитаи давлатии амниятӣ миллӣ ва Исфандиёри Х. сазовор гаштанд.
Дар вазни 100 кило Ғазалшои Давлатшо гуштингири дастаи «Динамо»-и ВКД зинаи аввал, дар ҷойи дуюм Асомуродов Сайёд намояндаи Кумитаи давлатии амнияти миллӣ ва ҷойи сеюмро дар ин вазн Асроров Аброриддин ҳамчунин аз Кумитаи давлатии амнияти миллӣ ва Амирхонов Шоҳрух аз Раёсати қӯшунҳои дохилӣ ноил гардиданд.
Дар вазни ниҳоии мусобиқа – беш аз 100 килограмм, иштирокчиёни мусобиқа бо як маҳорати хос байни ҳам қувваозмоӣ намуданд. Ғолибият дар ин вазнро Хоркашов Набимуҳаммад варзишгари «Динамо»-и ВКД ба даст оварда, ҷойи дуюмро Неъматов Нурулло аз ноҳияи Рӯдакӣ, ҷойҳои сеюмро Шомаҳмадов Саидмумин аз шаҳри Душанбе ва Шарипов Холмумин аз Кумитаи давлатии амниятӣ миллӣ ишғол намуданд.

Ҳамин тавр, аз рӯи ғолибияти бештари варзишгарон дастаҳои ғолиб низ маълум гаштанд. Дастаи гуштингирони Раёсати қушунҳои дохилӣ ғолиби мусобиқаи «Гуштини миллӣ» эълон гардида, дастаи «Динамо»-и Вазорати корҳои дохилӣ ҷойи дуввум, варзишгарони дастаи Кумитаи давлатии амниятӣ миллӣ ғолиби ҷойи сеюм дониста шуданд.
Ғолибони мусобиқа бо Ҷом, медал, ифтихорнома ва тӯҳфаҳои хотиравӣ сарфароз гардонида шуданд.
Х. Солиҳов, Т. Латипов