Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Рафти бозиҳои футбол миёни дастаҳои бонувон ва наврасон

2425

Дар Маҷмааи варзишии ШҶ «Динамо»-и ВКД Ҷумҳурии Тоҷикистон мусобиқаи варзишӣ аз намуди «Футболи хурд» миёни мақомоти ҳифзи ҳуқуқ, сохторҳои қудратӣ, корхонаю идораҳои давлатии ҷумҳурӣ барои дарёфти «Ҷоми Вазири корҳои дохилӣ» таҳти шиори «Ҷавонон нерӯи созанда» бо маром идома дорад.
Дар мусобиқаи байни бонувон 6 даста: «Норак», «Турсунзода», «Динамо»-и ВКД, «Донишгоҳи миллии Тоҷикистон», «Душанбе-1» ва «Душанбе-2» бо ҳам рақобат доранд.
Бозии миёни дастаҳои «Норак» ва «Турсунзода» хеле ҷолиб гузашт. Суръат ва усули бозии бозингарони ҳар ду даста ҳам баробар буд, вале танҳо як тӯби задаи футболбози дастаи «Норак», ки дар нимаи аввали бозӣ зада шуда буд, имкон дод ба онҳо ғалаба орад. Дар бозии дигар дастаи «Динамо» бо ҳисоби калон 9:0 дастаи «Донишгоҳи миллии Тоҷикистон»-ро мағлуб сохт.

2627

Ҳамчунин, мусобиқаи футбол миёни наврасон ба давраи нимниҳоӣ наздик мешавад. Дар ин мусобиқа 12 дастаи наврасон иштирок намуда, дар ду гурӯҳ бозӣ мекунанд. Дар гурӯҳи «А» дастаи футболбозони «Динамо-1» бар дастаи «Автомобилист» бо ҳисоби 7:2 дастболо шуда, ба даври нимниҳоӣ роҳ ёфт. Дар гурӯҳи «Б» бошад, дастаи наврасони «Гвардияи миллӣ» дастаи «ММВКНЗО» (Мактаби захираҳои олимпӣ)-ро бо ҳисоби 5:3 шикаст дода, ҳамчунин ба давраи нимниҳоӣ баромад. Бозиҳои байни дастаҳои дигар идома доранд.


Бояд қайд намуд, ки дар мусобиқаҳо наврасону ҷавонон аз минтақаҳои гуногуни ҷумҳурӣ иштирок дошта, бо як омодагии зиёд ҷидду ҷаҳд доранд мақоми ғолибиятро ба даст оранд. Дар баробари ин, мухлисони бешумори варзиш низ барои ҳаводории дастаи худ ҷамъ омадаанд.
Айни замон, мусобиқаҳои варзишӣ идома дошта, аз натиҷаи он иловатан иттилоъ хоҳем дод.
Х. Солиҳов 


You have no rights to post comments



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика