Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Чорабиниҳои омӯзишӣ дар самти «Роҳнамо оид ба ҳамкории милитсия бо ҷомеа»

1783

Рӯзи 29-30-юми марти соли 2021 дар доираи Барномаи ислоҳоти милитсия ва дастуру супоришҳои Вазири корҳои дохилӣ генерал-полковники милитсия Раҳимзода Р.Ҳ. барои кормандони ШВКД дар ноҳияи Файзобод ва ҷомеаи шаҳрвандӣ тренинги омӯзишӣ дар мавзӯи «Роҳнамо оид ба ҳамкории милитсия бо ҷомеа» баргузор гардид.

Чорабинии мазкур бо сухани ифтитоҳии ёрдамчии Ҳамоҳангсози миллӣ оид ба ислоҳоти милитсияи ВКД Ҷумҳурии Тоҷикистон майори милитсия Шарифзода Хушбахт оғоз гардида, мавсуф қайд намуд, ки ислоҳоти милитсия тибқи дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва зери назорати қатъии Вазири корхои дохилӣ амалӣ гардида истодааст.
Мавриди қайд аст, ки яке аз ҳадафҳои асосии ислоҳот ин тақвият бахшидани ҳамкории милитсия бо ҷомеа мебошад.
Дар давоми семинари дурӯза омӯзиши мавзӯъҳои ҳуқуқу озодиҳои инсон ва шаҳрванд, нишондиҳандаҳои самаранокии фаъолияти милитсия, принсипҳои ҳамкории милитсия бо ҷомеа, муошират, рафтор ва зебоипарастии кормандони милитсия, муайян намудани мушкилот ва роҳҳои ҳали он, самтҳои асосии ҳамкории милитсия бо ҷомеа, қоидаи муносибат бо ҷабрдидагон, ҳуқуқвайронкунандагон ва шахсони бо милитсия ҳамкорикунанда, ҳисоботдиҳии милитсия дар назди ҷомеа ва дигар мавзӯъҳо ба роҳ монда шуд.
Ҳамзамон кормандони милитсия мушкилоти ҷойдоштаро ба муҳокима гузошта, фикру ақидаи шаҳрвандонро ҷиҳати ҳамкорӣ бо ҷомеа ва аз байн бурдани чунин мушкилот гӯш намуданд.

17841785

Ҳамин гуна чорабинӣ рӯзи 31-уми марти соли равон дар ШВКД-2 дар ноҳияи Рӯдакӣ низ баргузор шуда, кормандони милитсия ва аҳли ҷомеа ҷиҳати тақвият бахшидани ҳамкориҳо ва дар якҷоягӣ бартараф намудани мушкилоту ҳуқуқвайронкуниҳо фикру ақидаҳои худро иброз доштанд.
Дар хотимаи чорабиниҳои омӯзишӣ ба ҳамаи иштирокчиён «Роҳнамои ҳамкории милитсия бо ҷомеа» ва дигар маводҳои тақсимотӣ тақдим карда шуд.

Гул Маҳбуба, подполковники милитсия




  Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>

241122

© 2022 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика