Омӯзиш оид ба системаи нави бақайдгирии ҷиноятҳо

Аз 7 то 11 декабри соли 2020, бо ташаббус ва дастгирии Вазорати корҳои дохилӣ ва ташкилоти байналмилалии Сейферворлд (Safeworld «Дунёи бехатар») дар доираи ислоҳоти милитсия барои кормандони мақомоти корҳои дохилӣ ва прокуратура оид ба низоми бақайдгирии электронӣ тренинг гузаронида шуд.
Мавриди қайд аст, ки системаи нави ҷиноятҳои электронӣ ба шаҳрвандон тартиби соддаи пешниҳоди талабот ва гузориш додани ҷиноятҳоро фароҳам меорад, инчунин қобилияти назорати равандҳои қабул ва бақайдгирии арзу шикоятҳо, раванди қабули қарор аз ҷониби кормандони масъули мақомоти таҳқикоту тафтишотро фароҳам меорад.
Мақсад аз низоми электронии бақайдгирии ҷиноятҳо таъмини ҳуқуқи шаҳрвандон барои дастрасӣ ба адолати судӣ, таъмин ва ҳимояи ҳуқуқҳо ва манфиатҳои қонунии шаҳрвандон ё манфиатҳои ҷамъиятӣ ё давлатии бо қонун ҳимояшаванда ҳангоми пешниҳоди изҳорот ва гузоришҳо дар бораи ҷиноятҳоро дар бар мегирад. Аз он ҷумла:
- рушди муносибатҳои милитсия ва аҳолӣ ҳамчун унсури асосии фаъолияти мақомоти корҳои дохилӣ, таҳкими алоқа ва ҳамкории милитсия, дигар муассисаҳои давлатӣ ва аҳолӣ зимни сабти изҳорот ва гузоришҳо оид ба ҷиноят;
- таҳкими иқтидори мақомоти ҳифзи ҳуқуқ, такмили чораҳои ҳифзи ҳуқуқ дар самти ҷиноятҳо;
- эҷод ва нигоҳ доштани системаҳои самаранок ва ҳисоботдиҳандаи адлияи ҷиноятӣ, таъмини назорати давлатӣ ва ҷамъиятӣ дар ин соҳа, аз ҷумла онлайн;
- такмил додани қобилияти мубодилаи дохилиидоравӣ ва байниидоравӣ ва мубодилаи иттилоот, таъмини шаффофияти тартиби қабули аризаҳо ва қабули қарорҳо.

Лоиҳаи мазкур бо кӯмак ва дастгирии Шуъбаи байналмилалии маводи мухаддир ва ҳифзи қонун (INL)-и Департаменти давлатии ИМА ва Safeworld дар доираи Барномаи рушди ислоҳоти милитсияи Тоҷикистон амалӣ карда мешавад.

Гул Маҳбуба, подполковники милитсия