Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Чорабиниҳо дар доираи ислоҳоти милитсия дар шаҳри Бохтар

394

395Рӯзи 15-уми феврали соли 2019 бо ташаббуси ВКД Ҷумҳурии Тоҷикистон ва ташкилоти байналмилалии «Сейферворлд» (Дунёи бехатар) чорабиниҳо оид ба барномаи ислоҳоти милитсия дар толори ШВКД дар шаҳри Бохтар ва Донишгоҳи давлатии шаҳри Бохтар ба номи Н.Хусрав бо омӯзгорону донишҷӯён низ баргузор гардид.

Дар чорабинӣ, муовини сардори Раёсати ҳамкориҳои байналмилалии ВКД полковники милитсия Бухоризода Мансур Ғоиб, Мушовири калони Дастгоҳи Вазири корҳои дохилӣ полковники милитсия Ғуломов Қудратулло, намояндагони ташкилоти байналмилалии «Сейферворлд» (Дунёи бехатар), кормандони мақомоти корҳои дохилӣ, ташкилотҳои ҷамъиятӣ ва Шӯроҳои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия ширкат варзиданд.
397Чорабиниро полковники милитсия Бухоризода Мансур Ғоиб оғоз намуда, вобаста ба талаботҳои Стратегияи ислоҳоти милитсия барои солҳои 2013-2020, Барномаи ислоҳоти (рушди) милитсия ва дастовардҳои Вазорат дар раванди ислоҳоти милитсия ибрози андеша намуд.
Мавсуф таъкид дошт, ки муҳим аз ҳама баланд бардоштан ва рушди тавонмандии касбии кормандони мақомоти ҳифзи ҳуқуқ, ҷалби ҷомеаи шаҳрвандӣ ба рафти амалисозии ислоҳоти милитсия ва ҳифзи иҷтимоии кормандони милитсия аз самтҳои асосии ислоҳот ба шумор меравад.
Дар чорабинии мазкур Мушовири калони Дастгоҳи Вазири корҳои дохилӣ полковники милитсия Ғуломов Қудратулло баромад намуда, вобаста ба Низомномаи Шӯрои ҷамъиятӣ ва Консепсияи ҳамкории милитсия бо ҷомеа маърӯза намуд.
Қайд гардид, ки вазифаи асосии Шӯроҳо ба аҳолӣ расонидани маълумот оид ба тағйиру иловаҳо ба лоиҳаи Қонуни Ҷумҳурии Тоҷикистон «Дар бораи политсия» бо роҳи муҳокимаронии ҷамъиятӣ ибрози фикру андешаҳо, пешниҳодҳо оид ба ислоҳоти милитсия ба гурӯҳи корӣ ворид намудани иловаҳо ба қонуни мазкур, фаъолгардонии ҳамкориҳо бо ҳама Шӯроҳо мебошад ва ба мардум фаҳмонидани раванди ислоҳоти милитсия, корҳои ба сомон расонида дар доираи ислоҳот яке аз ҳадафҳо ва вазифаҳои ислоҳоти милитсия ба шумор меравад.

398396

Инчунин дигар иштирокдорони чорабинӣ ба сухан баромада, оиди мақсади ислоҳоти милитсия, ки беҳтарсозии кору хизмат ва робита бо ҷомеа мебошад, ибрози назар намуданд.
Дар интиҳо миёни ширкаткунандагон мубодилаи афкор сурат гирифта, вобаста ба масъалаҳои мубрам саволу ҷавоб доир гардид.
Таъкид карда шуд, ки чунин чорабиниҳо дар дигар шаҳру ноҳияҳои вилояти Хатлон низ баргузор карда мешаванд.
Офоқ Қодириён

 




  Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>

04.08

© 2022 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика