Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Саҳифаи нави ҳамкориҳои Барномаи САҲА дар Душанбе бо Академияи ВКД

200

Рӯзи 30 январи соли 2019 ба Академияи ВКД намояндагони Дафтари САҲА дар Тоҷикистон – иҷрокунандаи вазифаи роҳбари Барномаи САҲА дар ш.Душанбе, ҷаноби Фейзо Нуманай, мушовири генералӣ оид ба масъалаҳои мубориза бар зидди терроризм ва кор бо мақомоти ҳифзи ҳуқуқи Барномаи САҲА, ҷаноби Дмитрий Геннадиевич Капортсев, инчунин, афсари миллӣ оид ба масъалаҳои ислоҳоти милитсия Маҳмадиев Ҳайдар Холович ташриф оварданд.

201202

Меҳмононро Ҳамоҳангсози миллӣ оид ба ислоҳоти милитсияи ВКД Ҷумҳурии Тоҷикистон, генерал-майори милитсия Шодмонзода Ф.А., сардори Академияи ВКД, генерал-майори милитсия Шарифзода Ф.Р., муовини якуми сардори Академияи ВКД, генерал-майори милитсия Кабирзода Ҷ.Ҳ., муовини сардори Академияи ВКД оид ба илм, полковники милитсия Саидзода З.А., муовини сардори Академияи ВКД, полковники милитсия Додарбеков Р.Б., инчунин, намояндагони Раёсати ташхисӣ (эксперт)-криминалистии ВКД, пешвоз гирифтанд.
Вохӯрии мазкур дар доираи иҷрои Барномаи ислоҳоти (рушди) милитсия барои солҳои 2014-2020, ки бо қарори Ҳукумати Ҷумҳурии Тоҷикистон 3 майи соли 2014 таҳти №296 тасдиқ шудааст, баргузор гардид.
Мақсади ташриф овардан ба Академияи ВКД Ҷумҳурии Тоҷикистон - ин супоридани таҷҳизоти махсуси криминалистӣ (ҷуздонҳои муфаттишӣ), компютерҳо ва дигар лавозимоти таълимӣ барои синфхонаи криминалистикаи факултети №2 Академияи ВКД ва инчунин муҳокимаи самтҳои афзалиятноки ҳамкорӣ дар самти ислоҳоти милитсия ва тайёр намудани мутахассисони баландихтисос барои мақомоти корҳои дохилӣ буд.

203

Дар рафти вохӯрӣ ҳалнома оид ба тақвият додани ҳамкорӣ дар самтҳои гуногун қабул гардид.
Бояд зикр намуд, ки ҳамкории САҲА бо Академияи ВКД Ҷумҳурии Тоҷикистон бисёр пурмазмун ва ҳамаҷониба мебошад.
Каримова Л.М., подполковники милитсия
Убайдуллоев Ш.Э., полковники милитсия




  Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>

04.08

© 2022 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика