Конференсияи илмӣ-амалӣ дар мавзӯи муқовимат бо коррупсия

Иштирокчиёни конференсия ба ҳайси модератор  муовини сардори Академияи ВКД оид ба илм полковники милитсия Солиев Каримҷон Ҳоҷиевичро интихоб намуданд.

Дар ҷараёни конференсия маърӯзачиён-профессорони кафедраи ташкили идоракунии факултети №1-и Академияи ВКД: Шарипов Тақдиршо Шарипович дар мавзӯи «Имплементатсияи меъёрҳои Конвенсияи зидди коррупсия дар қонунгузории ҷиноятии Тоҷикистон: проблемаҳо ва мулоҳиза», Иброҳимов Солеҳҷон Иброҳимович дар мавзӯи «Оид ба масоили омилҳои коррупсионӣ дар идораҳои давлатии Тоҷикистон», Умаров Хайём Амиршоевич дар мавзӯи «Баъзе масоили муқовимати коррупсионӣ», Судяи Суди ноҳияи Фирдавсии шаҳри Душанбе Мирзоҳомидзода Диловар дар мавзӯи «Ҷараёни амалигардонии сиёсати давлатии Тоҷикистон дар муқовимат бо коррупсия», дотсенти кафедраи ҳуқуқи ҷиноятии ДМТ Сафаров Анвар Исломович дар мавзӯи «Ҷиноятҳои коррупсионӣ дар соҳаи фаъолияти соҳибкорӣ» ва дигар иштирокдорон баромад карданд.

Дар идомаи конференисия миёни ширкаткунандагон мубоҳисаҳои илмӣ оид ба пешгирӣ ва мубориза алайҳи ҷиноятҳои коррупсионӣ сурат гирифта, олимон ва мутахассисони соҳа  атрофи чунин зуҳуроти номатлуб фикру андешаҳои худро пешниҳод намуданд.

Дар хотимаи конференсияи ҷумҳуриявии илмӣ-амалӣ дар мавзӯи «Ҳамкориҳои мақомоти ҳифзи ҳуқуқи Тоҷикистон дар муқовимат бо коррупсия» доктори илмҳои ҳуқуқшиносӣ, генерал-майори милитсия Зоиров Ҷурахон Маҷидович ба ҳозирин барои иштироки фаъолона изҳори сипос намуда, қайд кард, ки нақши мақомоти ҳифзи ҳуқуқи Тоҷикистон дар мубориза бо коррупсия назаррас буда, танҳо дар ҳамбастагию якҷоягӣ метавон бар зидди ин зуҳуроти номатлуб мубориза бурд.

 Маҳбуба Гулова, Рухшона Шукурова.