Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Баргузории конференсияи ҷумҳуриявии илмӣ-амалӣ дар Академияи ВКД

DSC02380

22-юми ноябри соли 2022 дар Академияи ВКД, бо ибтикори кафедраи фанҳои ҷамъиятӣ конференсияи илмӣ-амалӣ дар мавзӯи «Нақши Парчами давлатӣ дар таҳкими давлатдории миллӣ», бахшида ба таҷлили 30-юмин солгарди Парчами давлатии Ҷумҳурии Тоҷикистон баргузор гардид.
Ҷамъомадро бо сухани муқаддимавӣ сардори Академияи ВКД Ҷумҳурии Тоҷикистон, д.и.ҳ., дотсент, генерал - майори милитсия Шарифзода Файзалӣ Раҳмоналӣ ифтитоҳ намуда, иштирокдорони чорабинӣ ва дар симои онҳо кулли кормандони мақомоти корҳои дохилии Ҷумҳурии Тоҷикистонро ба ифтихори ин санаи тақдирсозу муқаддаси миллиамон табрику таҳният гуфта, ба онҳо рӯзгори босаодат ва сарбаландӣ таманно намуданд.

DSC02369

Бояд қайд намуд, ки дар кори конференсия, олимону муҳаққикон, омӯзгорон, аз ҷумла Фарҳод Раҳимӣ – Президенти Академияи миллии илмҳои Тоҷикистон, доктори илмҳои физика ва математика, профессор, Академики Академияи миллии илмҳои Ҷумҳурии Тоҷикистон дар мавзӯи «Парчам-рамзи миллӣ ва давлатдорӣ»., Абдурашитов Фозил Маматович-муовини директори Институти таърих, бостоншиносӣ ва мардумшиносии ба номи А. Дониши Академияяи миллии илмҳои Тоҷикистон, доктори илмҳои таърих, профессор дар мавзӯи «Парчами давлатӣ-рамзи Истқлоли давлатии Ҷумҳурии Тоҷикистон»., Назарзода Носир Ҷобир - профессори кафедраи ташкили идоракунии фаъолияти ҳифзи ҳуқуқ, д.и.ҳ., дар мавзӯи «Аз таърихи парчам ва парчамдории тоҷикон»., Бойзода ҷамшед Ҷумъабой - дотсенти кафедраи фанҳои ҷамъиятии Академияи ВКД, полковники милитсия, дар мавзӯи «Парчами давлатӣ рамзи ифтихори миллӣ»., Самиъзода Бахтиёр Салим - дотсенти кафедраи фанҳои ҷамъиятии Академияи ВКД, подполковники милитсия, дар мавзӯи «Мақоми Парчам дар таърихи давлатдории тоҷион», бо маърӯзаҳо баромад намуданд.
Дар суханронӣ ва баромадҳои мазкур қайд гардид, ки Парчам дар таърихи тамаддуни миллати куҳанбунёди тоҷик мақоми арзандаро доро мебошад.
Таърих гувоҳ аст, ки аҷдодони миллати тоҷик аз ибтидои тамаддуни инсонӣ соҳиби рамз ва нишонаи миллӣ буданд, ки онро «Меҳроб» ё «Фарри Ориёӣ» меномиданд, ки ифодаи рамзи хуршед, покизагӣ, нишонаи абадият буда, ишораест ба чаҳор унсур- хок, об, оташ, ҳаво, ки асоси мавҷудияти оламро ташкил медиҳад, мебошад.
Мувофиқи сарчашмаҳои таърихӣ ва «Шоҳнома»-и А. Фирдавсӣ, пайдоиши Парчамро А. Берунӣ ба муборизаи Коваи Оҳангар ба муқибили зулму истибдод мансуб медонан, ки Парчами ӯ «Дирафши Ковиён» хонда шуд, ки аз се ранг: сурх, зард, бунафш иборат буд, ки имрӯз рамзҳои он дар Ливои (штандарти) Президенти Ҷцмҳурии Тоҷикистон акси худро ёфтаанд.
Муқаддас будани Парчам дар он зоҳир мегардад, ки инсоният онро ҳамчун ливои озодӣ барои амалӣ намудани мақсаду ормонҳои худ дар ҳар давру замон барои мубориза баҳри ҳаёти осоишта, баробарию баробарҳуқуқӣ ва таъмини адолат баланд мебардошт.

DSC02384
Дар зери Парчам мардуми ориёитабор на танҳо империяҳои абарқудратро ба монанди Ҳахоманишиёну Ашкониён ва Сосониёну Сомониён ба вуҷуд оварда, низоми тавонманди идоракунии давлатиро созмон доданд, ҳамчунин аввалин ҳуҷҷати ҳуқуқии аҳли башар, ки дар таърих бо номи «Эъломияи ҳуқуқи башари Куруши Кабир» маълум аст, ба оламиён муаррифӣ намуданд.
Дар асри XX дар баробари Парчами давлати Шуравӣ Парчами ҶШС Тоҷикистон низ парафшонӣ мекард, ки аз мавҷудияти давлати миллии тоҷикон шаҳодат медод. Дар асри гузашта зери ин парчам мардум ба сӯи корнамоиҳои бузург мерафтанд, миллионҳо фарзандони содиқи давлати Шуравӣ ҷони худро барои ҳимояи Ватан зери муқаддастарин Парчами давлат нисор карданд.
Пошхӯрии давлати Шуравӣ ва соҳибистиқлол гардидани ҷумҳуриҳои собиқи он боис шуд, ки ҳар давлати мустақили миллӣ парчами худро қабул кунад. Парчами давлатии Тоҷикистони соҳибистиқлол аввалин маротиба дар Иҷлосияи таърихии шонздаҳуми Шӯрои Олии Ҷумҳурии Тоҷикистон 24 ноябри соли 1992 қабул карда шуд. Он яке аз рамзҳои муҳими истиқлолияти миллӣ ва давлатдории муосири мо, таҷассумгари асосҳои таърихӣ ва рамзҳои давлатдории гузаштаи тоҷикон, инчунин ифодакунандаи мақсаду маром ва орзӯву ормонҳои тамоми мардуми Тоҷикистон мебошад.
Воқеан, Парчами давлатӣ ҳар фарди бонангу номусро ба ифтихор аз давлату ватандорӣ, ҳифзи истиқлолияту дастовардҳои он ва пеш аз ҳама, саъю талоши пайваста ба хотири ободии сарзамини аҷдодӣ ҳидоят намуда, ҳангоми маъракаҳои расмии давлатӣ, чорабиниҳои фарҳангиву варзишӣ ва байналмилалӣ ҳамчун рамзи шоистаи ватандории тоҷикон барафрохта мешавад.
Зеро Парчам, Нишон, Суруди миллӣ рамзҳои асосии давлату давлатдорӣ буда, ифодагари соҳибихтиёрӣ, рамзи эҳтиром ва шинохти давлати мо аз ҷониби дигар миллату давлатҳо мебошад.
Аз ин лиҳоз, ҳар як шаҳрванди ҷумҳурӣ, алалхусус мо кормандони мақомоти корҳои дохилиро зарур мебошад, ки ба моҳияту мазмуни сиёсӣ ва аҳамияти таърихиву муқаддас будани рамзҳои давлатӣ хамеша арҷгузорӣ намоянд.
Дар ин ҷода Пешвои миллат муҳтарам Эмомалӣ Раҳмон бомаврид қайд намудаанд, ки «Эҳтиром ва арҷ гузоштан ба муқаддасоти миллӣ, аз ҷумла, нисбати Парчам, арҷ гузоштан ба тамоми арзишҳои дирӯзу имрӯз ва фардои миллат аст».
Дар анҷоми кори конференсияи илмӣ-амалии ҷумҳуриявӣ, натиҷаи озмӯни “Реферати беҳтарин”, ки бахшида ба 30 солагии Парчами давлатии Ҷумҳурии Тоҷикистон аз ҷониби кафедра дар байни факултетҳои Академияи ВКД эълон гардида буд, ҷамъбаст гардида, аз номи сардори Академияи ВКД ба 3 нафар курсантон, ки ҷойҳои намоёнро ишғол намуда буданд, бо “Сипоснома” сарфароз гардиданд.
Ҳамзамон, пешниҳод гардид, ки натиҷаи кори конференсияро дар шакли маводи чопӣ ба табъ расида, пешниҳодоти манзургардида бошанд коркард шуда, дар шакли алоҳида ба шуъбаи ташкили илмӣ ва табъу нашр дастрас карда шаванд ва дар ҷараёни таълим аз онҳо ба таври васеъ истифода намоянд.
Самиъзода Б.С., подполковники милитсия




  Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>

241122

© 2022 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика