Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Конференсияи Ассосиатсияи байналмилалии Академияҳои полис – «ИНТЕRPA» дар шаҳри Анталия

IMG-20211112-WA0017

Яке аз омилҳои ҳалкунандаи муборизаи муваффақона бар зидди ҷинояткорӣ ин тайёр ва омода намудани кадрҳои баландихтисоси соҳаи политсия мебошад. Аз ин лиҳоз, зарурати муборизаи муштарак ва дастаҷамъона бар зидди олами ҷиноят ба миён омад. Маҳз ҳамин зарурат буд, ки заминаи таъсис ёфтани Ассотсиатсияи байналмилалии Академияҳои полис - «INTERPA» гардид. Ташаббускори таъсиси чунин як ассотсиатсияи байналмилалӣ Академияи миллии политсияи Туркия буда, он моҳи июли соли 2011 дар шаҳри Истанбул созмон ёфтааст. Дар ибтидои созмонёбӣ ба «INTERPA» - 23 давлати Осиёву Аврупо аъзо буданд, аз ҷумла Академияи ВКД Ҷумҳурии Тоҷикистон низ. Ҳоло бошад, беш аз 100 давлат аъзои ин созмони байналмилалӣ мебошад.
Бо назардошти гуфтаҳои боло ва бо даъвати роҳбари Президенти Ассосиатсияи байналмилалии Академияҳои полис (ИНТЕRPA) сардори Академияи ВКД Ҷумҳурии Тоҷикистон, номзади илмҳои ҳуқуқшиносӣ, дотсент, генерал-майори милитсия Ф.Р.Шарифзода, ҷонишини сардори Академияи ВКД Ҷумҳурии Тоҷикистон оид ба низом, номзади илмҳои ҳуқуқшиносӣ, полковники милитсия А.Ш.Ализода ва сарнозири Маркази тестии шуъбаи таълими Академияи ВКД Ҷумҳурии Тоҷикистон, подполковники милитсия Э.Э.Мирзозода дар конференсияи 10-уми INTERPA дар ш.Анталияи Туркия иштирок намуданд.
Рӯзи 11 ноябри соли ҷорӣ ҳайати намояндагони расмии давлатҳои гуногун, ки теъдодашон зиёда аз 40 нафар буд, дар меҳмонхонаи Limak Atlantis Belek-и Анталия ҷамъ омаданд.
Рӯзи 12 ноябр конференсия ба кори худ оғоз намуд. Ҳамин рӯз, ҷамъомади пазироии меҳмонон сурат гирифт, ки дар он Президенти «ИНТЕRPA», доктор, профессор ҷаноби Йилмаз Чолак ба сухан баромада, тамоми меҳмононро хайрамақдам гуфта, қайд намуд, ки амалияи муборизаи зидди ҷинояткорӣ тақозои онро дорад, ки мутахассисон ва кормандони политсияи ҷаҳон ва махсус, мутахассисони Осиё ва Аврупо аз таҷрибаи пешқадами якдигар дар самти муборизаи зидди ҷинояткорӣ ҳарчи бештар бархурдор бошанд. Худи имрӯз ба Ассотсиатсия ҳамчун аъзо боз ду кишвари дигар дохил шуданд, ки онҳо Филиппин ва Ҳиндустон мебошанд.

IMG-20211112-WA0018
Бояд гуфт, ки мавзӯи конференсия «Таъсири пандемияи COVID-19 ба фаъолияти политсия ва муассисаҳои таълимии мақомоти корҳои дохилӣ» мебошад ва ҳама баромадҳои иштироккунандагони ин чорабинии байналмилалӣ маҳз ба ин мавзӯъ бахшида шудаанд. Дар ин рӯз ҳамчунин маърӯзаҳои намояндагони Австралия, Бангладеш, Туркия ва Ҳиндустон шунида шуданд.

Шуъбаи ташкилӣ-илмӣ ва табъу нашри Академияи ВКД




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика