Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Мизи мудаввари ҷумҳуриявӣ бахшида ба 10-солагии қабули Қонуни Ҷумҳурии Тоҷикистон «Дар бораи фаъолияти оперативӣ-ҷустуҷӯӣ»

1788

Дар факултети №6 Академияи ВКД бо ибтикори кафедраи ташкили идоракунии фаъолияти ҳифзи ҳуқуқи факултети №1 мизи мудаввари ҷумҳуриявӣ бахшида ба 10-солагии қабули Қонуни Ҷумҳурии Тоҷикистон «Дар бораи фаъолияти оперативӣ-ҷустҷӯӣ» зери унвони «Фаъолияти оперативӣ-чустуҷӯӣ ва нақши он дар таҳкими ҳифзи ҳуқуқи инсон» бо ҷалби мутахассисони соҳа, омӯзгорон ва курсантон баргузор гардид. Кори мизи мудавварро сардори Академияи ВКД, н.и.ҳ., дотсент, генерал-майори милитсия Шарифзода Файзалӣ Раҳмоналӣ ифтитоҳ намуда, аз ҷумла зикр намуд, ки бо ибтикори Асосгузори сулҳу ваҳдати миллӣ, Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон дар солҳои Истиқлолияти давлатӣ конунгузории миллӣ, аз ҷумла Қонуни Ҷумҳурии Тоҷикстон «Дар бораи фаъолияти оперативӣ-ҷустҷӯӣ» такмил ёфт. Дар раванди такмил, омӯзиш ва баррасии илми фаъолияти оперативӣ-ҷустҷӯӣ хизмати Вазири корҳои дохилӣ, Ҳуқуқшиноси шоистаи Тоҷикистон, д.и.ҳ., дотсент, генерал-полковники милитсия Раҳимзода Рамазон Ҳамро хеле калон мебошад, ки доираи омӯзиши ФОҶ-ро на танҳо дар Ҷумҳурии Тоҷикистон, балки дар давлатҳои аъзои ИДМ муаррифӣ намуд.

1789

Сапас риштаи сухан ба доктори илми ҳуқуқшиносӣ, профессор, сарходими илмии АМИТ генерал-майори милисия Маҷидзода Ҷурахон Зоир дода шуд. Вай дар мавзӯи «Риоя намудани сирри давлатӣ дар амалӣ намудани чорбиниҳои оперативӣ-чутуҷӯӣ» маърӯзаи муфассал намуда, аз дастовардҳои миллӣ дар ин соҳаи муҳим иттилоъ дод. Маҷидзода Ҷурахон Зоир барои боз ҳам мукаммалгардонии Қонуни Ҷумҳурии Тоҷикистон «Дар бораи фаъолияти оперативӣ-ҷустҷӯӣ» таклифҳои мушаххас намуд.
Дар кори мизи мудаввар сардори факултети №2, н.и.ҳ., дотсент, полковники милитсия Сафарзода Ҳ.С. дар мавзӯи «Донишҳои сиёсӣ-ҳуқуқии мардуми машриқзамин дар бораи корҳои фаврӣ», сардори факултети №6, н.и.ҳ., полковники милисия Нозиров Н.А. дар мавзӯи «Пешниҳоди натиҷаҳои ФОҶ ва истифодаи он дар мурофиаи чиноятӣ», сардори кафедраи назарияи идоракунии фаъолияти ҳифзи ҳуқуқи факултети №1,н.и.ҳ., Рустамзода А.Қ.. дар мавзӯи «Корҳои инфиродӣ-тарбиявӣ бо кормандони ШКҶ», муаллими калони кафедраи ташкили идоракунии фаъолияти ҳифзи ҳуқуқи факултети №1, полковники мустаъфӣ Каримов А.М. дар мавзӯи «Идоракунии МКД дар шароитҳои махсус», муаллими калони кафедраи назарияи идоракунии фаъолияти ҳифзи ҳуқуқи факултети №1, н.и.ҳ., Азмимӣ Умеда дар мавзӯи «Баъзе масъалаҳои интихоби кадрҳо барои хадамоти оперативӣ», дотсенти кафедраи ташкили идоракунии фаъолияти ҳифзи ҳуқуқи факултети №1 Шарифзода Ш. дар мавзӯи «Масъалаҳои ҷинояткорӣ дар самти пешгирии мубориза бо коррупсия», сардори кафедраи ташкили идоракунии фаъолияти ҳифзи ҳуқуқи факултети №1, н.и.ҳ., полковники милитсия Қосимов Ф.М. дар мавзӯи «Андешаҳои илмии Раҳимзода Рамазон Ҳамро доир ба фаъолияти оперативӣ-ҷустуҷӯӣ ва нақши он дар таҳкими ҳифзи ҳуқуқи инсон», ходими калони илмии шуъбаи адъюнктура полковники милитсия Асламов Б.С. дар мавзӯи «Ҷанбаҳои психологии фаъолияти оперативӣ-ҷустуҷӯӣ», шунавандаи курси дуюми факултети №1, полковники милитсия Абдуллозода А. дар мавзӯи «Мусоидати шаҳрвандон ба МАФОҶ» маърӯзаҳои илмӣ намуда, фикру пешниҳодҳои мушаххас намуданд.

17901792

Кори мизи мудавварро муовини сардори Академия оид ба илм, н.и.ҳ., дотсент, полковники милитсия Саидзода З.А. ҷамъбаст намуда, тавсияҳои кори мизи мудавварро қироат намуд.

АсламовБ.С., Қосимов Ф.М., Ҳайдарзода О.Ҳ.




  Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>

30.06

© 2022 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика