Баргузории конференсияи илмӣ ва чорабинии фарҳангӣ бахшида ба Рӯзи забони давлатӣ

Дар Академияи ВКД бо ташаббуси кафедраи «Забонҳо» ва иштироки васеи роҳбарият, олимон,омӯзгорон ва курсантони Академия конференсияи илмӣ- назариявӣ дар мавзӯи «Накши омилҳои ичтимоӣ дар рушди забон»баргузор гардид.
Кори конференсияро сардори Академияи ВКД н.и.ҳ., дотсент, генерал-майори милитсия Шарифзода Файзалӣ Раҳмоналӣ ҳусни оғоз бахшида, аз ҷумла иброз намуд, ки маҳз дар партави сиёсати фарҳангии Пешвои миллат муҳтарам Эмомалӣ Раҳмон забони адабии тоҷикӣ ҳамчун забони давлатӣ ҳамаҷониба рушд намуда, ба марҳилаи нави таърихӣ ворид гашта, ҳамчун рукни муҳими давлатдорӣ баромад намуд.
Сипас, шоири халкии Тоҷикистон Камол Насрулло дар мавзӯи «Тоҷикистонро дигар қисмат макун», шоири халқии Тоҷикистон Зулфия Атоӣ дар мавзӯи «Забони модарӣ», мудири кафедраи таърихи забони тоҷикӣ ва типологияи ДМТ, доктори илми филология Саломиён Муҳаммаддовуд дар мавзӯи «Ҷанбаҳои иҷтимоии забони адабии тоҷикӣ» маърӯзаҳои илмӣ намуданд.

Дар рафти конференсия курсантони курси якум дар васфи забони тоҷикӣ шеърҳо қироат намуданд.
Баъди анҷоми кори конференсия корманд-ҳаваскорони Академияи ВКД, донишҷӯёни Консерваторияи миллии Тоҷикистон ба номи Талабхуҷа Сатторов, хонандагони мактаб-интернати махсуси мусиқии ба номи Миратулло Атоев, ҳунарманди шинохта Тобиш Ҳилолӣ бо барномаи рангини консертӣ хотири ҳозиринро шод намуданд.
Асламов Б.С.,
Сафарова С.Н.,
Убайдуллоев Ш.Э.