Он-лайн конференсияи байналмилалӣ оид ба мубориза бо ҷинояткорӣ

Иштирок намудани мутахассисон дар он-лайн конференсияҳои байналмилалӣ барои Академияи ВКД Ҷумҳурии Тоҷикистон чун анъана гардида, қайд намудан ба маврид мебошад, ки нахустин бор чунин таҷриба 5 апрели соли 2018 пайдо шуд ва аз он вақт профессорону омӯзгорони Академияи ВКД дар чунин чорабиниҳо фаъолона иштирок менамоянд.
Чунончи, дар ҷодаи ҳамкориҳои дуҷониба ва мувофиқи Созишнома оид ба ҳамкорӣ дар соҳаи маориф ва фаъолияти илмӣ байни Донишкадаи Сибири ВКД Россия дар шаҳри Красноярск ва Академияи ВКД Ҷумҳурии Тоҷикистон, санаи 4-уми апрели соли ҷорӣ мутахассисони Академияи ВКД дар он-лайн конференсияи XXII-юми илмӣ-амалии байналмилалии «Масоили мубрами мубориза бо ҷинояткорӣ: масъалаҳои назария ва амалия» (Актуальные проблемы борьбы с преступностью: вопросы теории и практики), ки дар ш.Красноярск баргузор гардид, иштирок намуданд.
Дар он-лайн конференсия ёрдамчии сардори Раёсати мубориза бар зидди ҷиноятҳои муташаккили ВКД Ҷумҳурии Тоҷикистон, дотсенти кафедраи фанҳои давлатӣ-ҳуқуқии факултети №2 Академияи ВКД, подполковники милитсия Юсуфзода А.Ҳ. бо маърӯза дар мавзӯи «Баъзе масъалаҳои баланд бардоштани мубориза бо терроризм ва экстремизм (ифротгароӣ)» (Некоторые пути повышения борьбы с терроризмом и экстремизмом)) ва сардори кафедраи фанҳои давлатӣ-ҳуқуқии факултети № 2, номзади илмҳои ҳуқуқ, подполковники милитсия Сафарзода Ҳ.С. бо маърӯза дар мавзӯи «Хусусиятҳои мубориза бар зидди терроризми байналмилалӣ» (Особенности борьбы с международным терроризмом) баромад намуданд.

Баъд аз анҷоми маърӯзаҳо аз тарафи олимони Донишкадаи Сибири ВКД Россия дар шаҳри Красноярск ба маърӯзачиён оид ба мафҳуми «терроризми байналмилалӣ» ва хусусиятҳои мубориза ба терроризм ва экстремизм дар Ҷумҳурии Тоҷикистон саволҳо пешниҳод гардиданд.

Шуъбаи ташкилӣ-илмӣ ва табъу нашри
Академияи ВКД Ҷумҳурии Тоҷикистон