Рӯзи 28-уми феврали соли равон аз ҷониби кафедраи пешгирии ҷиноятҳои террористӣ ва таъмини бехатарии ҷамъиятии факултети №6-и Академияи ВКД Ҷумҳурии Тоҷикистон конференсияи илмӣ-амалии ҷумҳуриявӣ дар мавзӯи «Муқовимат ба савдои одамон ва расонидани кӯмак ба қурбониёни савдои одамон» бо иштироки сардори Академияи мазкур, номзади илми ҳуқуқ, дотсент, генерал-майори милитсия Шарифзода Ф.Р. ва муовини сардори Академия оид ба илм, номзади илми ҳуқуқ, полковники милитсия Саидзода З.А., баргузор гардид.
Инчунин, дар конференсия роҳбарон ва кормандони амалии мақомоти ҳифзи ҳуқуқ аз қабили Вазорати корҳои дохилӣ, Раёсати кофтукови ҷиноятӣ, Маркази муқовимат ба савдои одамони Раёсати мубориза бар зидди ҷиноятҳои муташаккил, Хадамоти гумруки назди Ҳукумати Ҷумҳурии Тоҷикистон, Кумитаи давлатии амнияти миллӣ, Вазорати меҳнат, муҳоҷират ва шуғли аҳолӣ, Кумитаи кор бо занон ва оилаи назди Ҳукумати Ҷумҳурии Тоҷикистон, Донишгоҳи миллӣ, Донишгоҳи славянии Россияву Тоҷикистон ва омӯзгорону курсантон иштирок намуда, бо маърӯзаҳо баромад намуданд.
Муродов Ф.А.
Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>
