Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Вохӯрии судманд бо хонандагон

344

Рӯзи 20-уми декабри соли 2018 бо супориши роҳбарияти Академияи ВКД Ҷумҳурии Тоҷикистон ҷиҳати дар сатҳи баланд қарор додани ҳамкории Академияи ВКД бо муассисаи таҳсилоти миёнаи умумии №60 ноҳияи Синои шаҳри Душанбе ва амалигардонии нақшаи чорабиниҳои татбиқи Барномаи ислоҳоти (рушди) милитсия барои солҳои 2014-2020 ташкил намудани вохӯриҳо бо хонандагони муассисаҳои таҳсилоти миёнаи умумӣ ва ташаккули симои мусбии кормандони мақомоти корҳои дохилӣ ва ҷалби онҳо ба хизмат дар милитсия кормандони Академияи ВКД Ҷумҳурии Тоҷикистон - сардори кафедраи тактикаи махсус ва омодагии ҷисмонӣ капитани милитсия Назаров Манучеҳр Гулаҳмадович ва муаллими калони кафедраи номбурда капитани милитсия Ҳайдарзода Даврон Пираҳмад бо хонандагони мактаби миёнаи №60 вохӯрӣ намуданд. Ин вохӯриро муовинони директори муассисаи таълимии номбурда Ҷононаева Майгуна Улфатовна ва Нормухамедова Гулбарҳор Маҳмадрасуловна ҳамроҳӣ намуданд.

345346

Омӯзгорони Академияи ВКД зимни вохурӣ нахуст хонандагонро бо фарорасии Соли нави мелодӣ табрик намуда, ба онҳо хониши хубу аъло ва бурдбориҳо тамано намуданд. Сипас оид ба риояи тартиботу низом ва истифода нагардидани телефонҳои мобилӣ, сари вақт омадан ба дарс ва махсусан аз ҷониби хонандагон истифода нагардидани маводҳои тарфгарӣ (пиротехникӣ) дар арафаи Соли нави мелодӣ суҳбат намуданд.
Пас аз вохӯрӣ ба хонандагони лаёқатманд китобҳои тозанашри омӯзгорони Академияи ВКД тӯҳфа гардид.
Дар фарҷоми вохӯрӣ роҳбарияти муассисаи таълимӣ ба роҳбарияти Академияи ВКД ва кормандони он барои хамкориҳои судманд изҳори минатдорӣ намуданд.
Асламов Б.С., Убайдуллоев Ш.Э.




  Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>

04.08

© 2022 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика