Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Семинари илмӣ-амалӣ дар мавзӯи «Раванди огоҳикунии ҳуқуқвайронкунӣ миёни ҷавонону ноболиғон ва хусусиятҳои тарбиявии он»

218

Рӯзи 24-уми октябри соли 2018 дар толори Шӯрои олимони Академияи ВКД аз ҷониби кафедраи ҳуқуқи маъмурӣ ва фаъолияти маъмурии факултети №2 семинари илмӣ-амалӣ дар мавзӯи «Раванди огоҳикунии ҳуқуқвайронкунӣ миёни ҷавонону ноболиғон ва хусусиятҳои тарбиявии он» баргузор гардид.

Кори семинарро муовини сардори Академияи ВКД оид ба илм, н.и.ҳ., полковники милитсия Саидзода З.А. бо сухани муқаддимавӣ оғоз намуд. Ӯ иброз дошт, ки новобаста аз саъю кӯшиши кормандони милитсия дар самти огоҳикунии ҳуқуқвайронкунӣ миёни ҷавонону ноболиғон мушкилиҳо вуҷуд доранд. Аз ҷониби ВКД дар нӯҳ моҳи соли равон беш аз 10-ҳазор чорабиниҳои самти тарбиявӣ гузаронида шудааст, ки ин кори самарабаши милитсияро нишон медиҳад.

219220

Сипас сардори Раёсати кор бо ҷавонони Кумитаи кор бо ҷавонон ва варзиши назди Ҳукумати Ҷумҳурии Тоҷикистон Раҳимзода Шаҳзод Абдулфаттоҳ дар мавзӯи “Мусоидат дар тартиботи ҷамъиятӣ баҳри тарбияи насли ҷавонони кишвар” ва сардори қабулгоҳи ноболиғони ВКД, подполковники милитсия Наҷмуддинзода Саидҷалол дар мавзӯи “Сабабҳои ба ҳуқуқвайронкунӣ даст задани ноболиғон ва роҳҳои пешгирии он” маърӯза намуданд.
Ҳамчунин сардори кафедраи ҳуқуқи маъмурӣ ва фаъолияти маъмурии факултети №2, н.и.т., генерал-майори милитсия Имомёрбеков Атобек дар мавзӯи “Фаъолияти МКД оид ба огоҳикунии ҳуқуқвайронкунӣ миёни ноболиғон ва ҷавонон”, муовини сардори факултети № 2 Академияи ВКД Ҷумҳурии Тоҷикистон Асламов Бозоралӣ Сафаралиевич дар мавзӯи “ Масоили каҷрафторӣ дар байни ноболиғону ҷавонон ва роҳҳои пешгирии он" маърӯзаҳои илмӣ намуданд.

221

Дар фосилаҳои маърузаҳо байни иштирокчиёни семинар баҳсу мунозираҳои илмӣ-амалӣ баргузор гардид, ки бисёр паҳлӯҳои ҳуқуқӣ ва иҷтимоии ноболиғону ҷавононро кушоданд.
Дар охири кори семинар аз ҷониби иштирокчиёни он тавсияҳои методӣ оиди беҳтаргардонии раванди огоҳикунии ҳуқуқвайронкунӣ миёни ҷавонону ноболиғон ва хусусиятҳои тарбиявии он қабул гардиданд.
Асламов Б.С., Убайдуллоев Ш.Э., омӯзгорони Академияи ВКД

 




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика