Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Конференсияи илмӣ-назариявӣ бахшида ба Рӯзи забон дар Академияи ВКД

378

Рӯзи 28-уми сентябри соли 2018 дар толори маҷлисгоҳи Академияи ВКД бо ташаббуси кафедраи Забонҳои факултети №2, ки роҳбарии онро номзади илмҳои педагогӣ, полковники милитсия Давлатшоева Азиза ба уҳда дорад бо даъвати олимону адибони шинохтаи тоҷик конференсияи илмӣ-назариявӣ бахшида ба Рӯзи забон, ки ҳамасола 5-уми октябр дар саросари ҷумҳурӣ ҷашн гирифта мешавад, зери унвони «Забон - омили ваҳдати миллати тоҷик» баргузор гардид.

379

Кори конференсияро муовини сардори Академияи ВКД оид ба илм, н.и.ҳ., полковники милитсия Саидзода З.А. бо сухани ифтитоҳӣ оғоз бахшида, ҳамагонро ба истиқболи Рӯзи забон табрику таҳният гуфт. Саидзода З.А. аз ҷумла иброз намуд, ки таҳти сиёсати фарҳангии Пешвои муаззами миллат, муҳтарам Эмомалӣ Раҳмон забони тоҷикӣ - ҳамчун яке аз рукнҳои муҳими давлатдории миллӣ рушду нумӯъ карда, мақеи хоса пайдо намуд.
Сипас узви Иттифоқи нависандагони Тоҷикистон, шоири халқӣ Зулфия Атоӣ дар мавзӯи «Ҳар кас, ки бо забони худ сухандон гардад…» маърӯза намуда, марҳилаҳои инкишофи забонро аз замони Шӯравӣ то замони Истиқлолият таҳлил намуд. Директори Институти забон ва адабиёти ба номи Абӯабдулло Рӯдакӣ, доктори илмҳои филологӣ, Сахидо Раҳматуллозода, узви вобастаи Академияи илмҳо дар мавзӯи «Тадбирҳои давлатӣ оид ба забони тоҷикӣ» маърӯза намуда, санадҳои муҳими давлатиро оид ба густариши забон ироа намуд.

380

Доктори илмҳои филологӣ, корманди Институти забон ва адабиёти ба номи Абӯабдулло Рӯдакӣ Назарзода Сайфиддин дар мавзӯи «Андешаҳои Пешвои миллат дар бораи забони тоҷикӣ» маърӯзаи муфассал намуда, ба суоли курсантон дар бораи заминаҳои инкишофи забони тоҷикӣ маълумоти пурра дод.
Дар фарҷоми кори конференсия аз ҷониби аъзоёни фаъоли «Ҷамъияти илмии курсантони кафедраи забонҳо» дар васфи Забон, Ватан, Истиқлолият, Пешвои миллат аз ашъори шоирони тоҷик шеърҳо қироат гардид.
Асламов Б.С., Сафарова С.Н., Убайдуллоев Ш.Э.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика