Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ҷалби курсантон ба корҳои амалӣ

Бо ташаббуси роҳбарияти Академияи ВКД барои рангину ҷолиб гардидани машғулиятҳои амалии курсантону шунавандагони ин муассисаи таҳсилоти олии касбӣ, онҳо ба ҳар гуна маҳфилу чорабиниҳо ҷалб карда мешаванд.
Тавре маълум аст, баргузории чунин ҷамъомадҳо миёни ҷавонон ба баланд гардидани маҳорату малакаи онҳо, аз ҷумла барои савияи донишҳои амалиашон таъсири калон мерасонанд.
Дар робита ба ин бояд гуфт, ки чанде пеш як гурӯҳ курсантони курси чоруми факултети №2, бо роҳбарии нозири калони гурӯҳи нозиротии шуъбаи кадрҳо, ӯ низ муаллим-ҳамкори кафедраи ҳуқуқи маъмурӣ ва фаъолияти маъмурии факултети №2-и Академияи ВКД подполковники милитсия Савзалӣ Файзиев, ҷиҳати аз наздик ошноӣ пайдо намудан бо фаъолияти Қабулгоҳи тақсимотии оворагардон ва гадоёни Раёсати ВКД дар шаҳри Душанбе ба он ҷо рафтанд.

Зимни суҳбати масъулини ин қабулгоҳ подполковники милитсия Саидаҳмад Набиев ва майори милитсия Насиба Палвонова бо курсантон, доир ба фаъолияти хизматии Қабулгоҳи мазкур маълумоти муфассал дода шуд.
Курсантон дар навбати худ оид ба паҳлӯҳои гуногуни фаъолияти ин қабулгоҳ ба масъулини соҳа саволҳо дода, посухҳои мушаххас гирифтанд.
Шавкат УБАЙДУЛЛОЕВ 




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика