Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ҷаласаи навбатии гурӯҳи корӣ оид ба мубориза зидди муҳоҷирати ғайриқонунӣ

28

Санаи 4 октябри соли 2023 ҷаласаи чоруми гурӯҳи кории Вазорати корҳои дохилии Федератсияи Россия ва Вазорати корҳои дохилии Ҷумҳурии Тоҷикистон дар масъалаҳои мубориза бар зидди муҳоҷирати ғайриқонунӣ баргузор гардид.

29

Дар кори ҷаласа аз ҷониби ВКД Ҷумҳурии Тоҷикистон сардори Хадамоти шиносномавию бақайдгирӣ генерал-майори милитсия Халилзода Ҳусейн Собир бо дигар кормандони масъули сохторҳои вазорат ва аз ҳайати Вазорати корҳои дохилии Федератсияи Россия таҳти роҳбарии муовини сардори Сарраёсат оид ба масъалаҳои муҳоҷират, генерал-майори политсия Яковлев Виталий Александрович, дигар кормандони масъули сарраёсати мазкур, намояндагии ВКД Россия ва Сафоратхонаи ин кишвар дар Тоҷикистон ширкат варзиданд.

30

Ҷонибҳо зимни вохӯрӣ масъалаҳои вазъи муҳоҷират дар ҳудуди Федератсияи Россия ва Ҷумҳурии Тоҷикистон, тағйироти муҳими дар қонунгузории муҳоҷирати кишварҳо воридшуда, инчунин доир ба чорабиниҳои якҷоя дар мубориза бо муҳоҷирати ғайриқонунии дар ҳудуди кишварҳои якдигар, аз ҷумла дар доираи гурӯҳи кории якҷояи ВКД Федератсияи Россия ва ВКД Ҷумҳурии Тоҷикистон гузаронидашударо мавриди муҳокима қарор доданд.

Дар маҷмӯъ вохӯрӣ дар сатҳи баланд ва фазои дӯстию ҳамдигарфаҳмӣ доир гардида, ҷонибҳо изҳори омодагӣ намуданд, ки ҳамкориҳои дуҷониба дар самти мубориза бо муҳоҷирати ғайриқонунӣ минбаъд низ тақвият хоҳанд ёфт.

Пас аз анҷоми чорабинии расмӣ меҳмонон аз ҷойҳои тамошобоби шаҳри Душанбе ва табиати зебои атрофи он дидан намуданд.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun24

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика