Вазири корҳои дохилии Ҷумҳурии Тоҷикистон генерал- полковники милитсия Раҳимзода Рамазон Ҳамро ба қисмҳои ҳарбии 6592 ва 3502-и Раёсати қӯшунҳои дохилии Вазорати корҳои дохилӣ ташриф оварда, аз корҳои ободонию созандагӣ ва шароити хизматии афсарону сарбозон шиносоӣ пайдо намуд.
Нахуст, Вазири корҳои дохилӣ аз рафти корҳои сохтмонӣ дар иншооти ҷадид боздид ба амал оварда, бо шароити хизмативу маишии афсарону сарбозон, аз он ҷумла, аз хобгоҳ (казарма), ошхона, ҳаммом, ҳолати мумфаршкунии роҳу пайроҳаҳо ва дигар корҳои ободонӣ аз наздик шиносоӣ пайдо кард.
Ҳамчунин доир ба тарбияи сарбозон дар рӯҳияи ватандӯстию ифтихори миллӣ, ҳифзи арзишҳои таърихиву фарҳангӣ ёдовар гардида, таъкид дошт, ки сарбозон бояд ба тарбияи ҷисмонӣ ва обутоби бадан диққати махсус дода, пайваста ба машқу тамрин машғул шаванд ва касбу ҳунар омӯзанд.
Қобили кдйд аст, ки имруз дар қисмҳои ҳарбии Қӯшунҳои дохилии Вазорати корҳои дохилӣ ҷавонони баору номуси миллат хизмати Ватан-Модарро содиқона ба ҷо оварда, баҳри оромиву осоиштагии марзу бум, таъмини волоияти қонун ва ҳифзи ҳуқуқу озодиҳои шаҳрвандон ҳамеша омодаанд.
Гул Маҳбуба
Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>
